Delhi Earthquake: ఢిల్లీలో భూకంపం.. 5 సెకన్లపాటు కంపించిన భూమి

Delhi Earthquake: ఢిల్లీలో భూకంపం సంభవించింది. ఢిల్లీతో పాటు ఢిల్లీని ఆనుకుని ఉన్న నేషనల్ క్యాపిటల్ రీజియన్ పరిధిలోని నొయిడా, గురుగ్రామ్ ప్రాంతాల్లోనూ భూమి కంపించింది. రాత్రి 8 గంటల ప్రాంతంలో భూమి 5 సెకన్లపాటు కంపించింది. ఈ భూకంపం తీవ్రత రిక్టార్ స్కేలుపై 5.4 మ్యాగ్నిట్యూడ్ ఉన్నట్టుగా నమోదైంది. నేపాల్ లో 10 కిమీ లోతున భూకంపం కేంద్రం ఉన్నట్టు జాతీయ భూకంప అధ్యయన కేంద్రం వెల్లడించింది. 

ఐదు రోజుల వ్యవధిలోనే ఢిల్లీలో భూకంపం రావడం ఇది రెండోసారి. గత మంగళవారం అర్ధరాత్రి దాటిన తర్వాత నేపాల్ లో 6.3 మ్యాగ్నిట్యూడ్ తీవ్రతో భూకంపం సంభవించిన సమయంలోనూ ఢిల్లీలో భూమి కంపించిన విషయం తెలిసిందే. 

ఇదిలాఉంటే ఢిల్లీకి భూకంపాలు కొత్త కాదనే విషయం విదితమే. ఒక ఘటన మరువక ముందే మరొ ఘటన అన్నరీతిలో 'ఢిల్లీలో భూకంపం' తరచుగా వార్తల్లో ఉంటూనే ఉంటుంది. వరుస భూకంపాలతో ఎప్పుడు ఏం జరుగుతుందో అనే ఆందోళన ఢిల్లీ, నొయిడా, గురుగ్రామ్ వాసులను వెంటాడుతోంది. అప్ఘనిస్ఖాన్, పాకిస్థాన్ మొదలు నేపాల్ ( Science Behind Earthquakes ) వరకు ఎప్పుడు, ఎక్కడ భూకంపం సంభవించినా.. ఆయా భూకంపాల ప్రభావంతో ఢిల్లీలోనూ భూమి కంపిస్తుండటం అక్కడి వారిని ఆందోళనకు గురిచేస్తోంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.