Earthquake Today: ఒక్కసారిగా కంపించిన భూమి.. ఇళ్ల నుంచి ప్రజలు పరుగులు..!

Earthquake In Nepal: నేపాల్‌లో శుక్రవారం రాత్రి భారీ భూకంపం సంభవించింది. రిక్టారు స్కేలుపై 6.4 భూకంప తీవ్రతతో నమోదైంది. ఈ ప్రభావంతో ఢిల్లీ-ఎన్‌సీఆర్, యూపీ, బీహార్‌, ఉత్తరాఖండ్‌, హర్యానా సహా ఉత్తర భారతదేశంలో బలమైన ప్రకంపనలు సంభవించాయి. దీంతో ఏం జరుగుతోందనని ప్రజలు భయాందోళనకు గురయ్యారు. ఇళ్ల నుంచి బయటకు పరుగులు పెట్టారు. భోజనం చేసి నిద్రించేందుకు సిద్ధమవుతున్న తరుణంలో భూమి కంపించింది. సోషల్ మీడియాలో వీడియోలను షేర్ చేస్తున్నారు. నేషనల్ సెంటర్ ఫర్ సిస్మాలజీ (ఎన్‌సీఎ) భూకంపం గురించి సమాచారం అందించింది. శుక్రవారం రాత్రి 11:32 గంటలకు 10 కి.మీ లోతులో భూకంపం కేంద్రం ఉందని వెల్లడించింది. ఇది 28.84 N అక్షాంశం, 82.19 E రేఖాంశంలో సంభవించింది.

ఉత్తర భారతదేశంలో ప్రకంపనలు సంభవించిన కాసేపటికే ప్రజలు ప్రజలు తమ ఇళ్ల నుండి బయటకు వస్తున్న వీడియోలతో సోషల్ మీడియా నిండిపోతోంది. "నేను టీవీ చూస్తున్నాను. అకస్మాత్తుగా కొద్దిగా తల తిరుగుతున్నట్లు అనిపించింది. అప్పుడు నేను భూకంపం గురించి టీవీలో చూశాను. దీంతో నేను మా ఇంటి నుండి బయటకు వచ్చాను" అని నోయిడాకు చెందిన తుషార్ అనే వ్యక్తి తన అనుభవం గురించి చెప్పారు. కాగా.. నేపాల్‌లో బలమైన భూకంపాలు సంభవించడం నెల రోజుల్లో ఇది మూడోసారి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.