Six Airbags for Cars: కార్లలో 6 ఎయిర్​ బ్యాగ్​లు తప్పనిసరి చేసిన కేంద్ర ప్రభుత్వం!

Six Airbags for Cars: భారత ప్రభుత్వం మరో కీలక నిర్ణయం తీసుకుంది. 8 మంది వరకు ప్రయాణికులు ఉండే అన్ని ప్యాసింజర్​ వాహనాలకు 6 ఎయిర్​ బ్యాగ్​లు తప్పని సరి చేస్తూ ప్రభుత్వం నిర్ణయం (Six Airbags mandatory for cars in India) ప్రకటించింది.

ఈ విషయాన్ని రోడ్డు రవాణా, హైవేస్ మంత్రి నితిన్ గడ్కరీ ట్విట్టర్ ద్వారా వెల్లడించారు. ప్రయాణికుల భద్రతను మెరుగు పరిచేందుకు ఈ నిర్ణయం తీసుకున్నట్లు (Nitin Gadkari on Airbags in cars) వెల్లడించారు.

ఆ క్యాటగిరీ కార్లన్నిటికి వర్తింపు..

ఇందుకు సంబంధించి ముసాయిదా జీఎస్​ఆర్​కు తాజాగా ఆమోదం ముద్ర వేసినట్లు పేర్కొన్నారు నితిన్​ గడ్కరీ. ఎం1 క్యాటగిరీలోని అన్ని వాహనాలకు ఈ నిబంధన వర్తిస్తుందని వివరించారు. డ్రైవర్​ సీటుతో పాటు.. ఎనిమిది కన్నా ఎక్కువ సిట్టింగ్ కెపాసిటీ లేని ప్యాసింజర్​ వాహనాలన్ని ఎం1 క్యాటగిరీలోకి వస్తాయి.

ఇప్పటికే..  డ్రైవింగ్ ఎయిర్​ బ్యాగ్​ను 2019 జులై నుంచి తప్పనిసరి చేసినట్లు.. 2022 జనవరి 1 నుంచి కో-ప్యాసింజర్ (డ్రైవర్ పక్క సీటు) ఎయిర్​ బ్యాగ్ తప్పనిసరి చేసిన విషయాన్ని గుర్తు చేశారు నితిన్ గడ్కరీ.

పూర్తి సురక్షితం..

ముందు వైపు నుంచి.. వెనకవైపు నుంచి జరిగే ప్రమాదాల వల్ల జరిగే నష్టాన్ని తగ్గించేందుకు అదనంగా 4 ఎయిర్​ బ్యాగ్​లను తప్పనిసరి చేసింది ప్రభుత్వం. వాహనాల్లో ప్యాసింజర్లందరికీ రక్షణ కల్పించే విధంగా ఇవి ఉపయోగపడనున్నాయని నిపుణులు అంటున్నారు.

తాజా నిర్ణయం అమలులోకి వస్తే.. దేశంలో వాహనాల భద్రత నిబంధనలు గతంలో ఎన్నడూ లేనంత పటిష్ఠంగా మారనున్నాయి ప్రభుత్వం భావిస్తోంది. అయితే ఈ కొత్త నిబంధనలు ఎప్పటి నుంచి అమలులోకి వస్తాయనే విషయంపై కేంద్రం నుంచి ఇంకా స్పష్టత రాలేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe