Thanks to india: బ్రెజిల్ ఇండియాకు ధన్యవాదాలు చెప్పిన తీరుకు హ్యాట్సాఫ్

Thanks to india: నాడు లక్ష్మణుడిని కాపాడటానికి హనుమంతుడు సంజీవిని మూలిక కోసం పర్వతాన్ని మోసుకొచ్చారనేది రామాయణం చెబుతున్న మాట. అందుకే ఆ ఫోటోను షేర్ చేస్తూ ఇండియాకు బ్రెజిల్ కృతజ్ఞతలు చెబుతోంది.

కరోనా వైరస్ ( Corona virus ) కట్టడిలో భారతదేశం పాత్ర కీలకంగా మారింది. ప్రపంచానికి వ్యాక్సిన్ సరఫరాను మరోసారి ఇండియానే చేపట్టింది. ఇప్పుడు బ్రెజిల్ దేశానికి కరోనా వ్యాక్సిన్ ఇండియా నుంచి వస్తోంది. ఆక్స్‌ఫర్డ్- ఆస్ట్రాజెనెకా ( Oxford-Astrazeneca ) కంపెనీ అభివృద్ధి చేసిన వ్యాక్సిన్ కోవిషీల్డ్ ( Covishield ) ‌ను ఇండియాలోని పూణేకు చెందిన సీరమ్ ఇనిస్టిట్యూట్ ( Serum Institute ) ఉత్పత్తి చేసి పంపిణీ చేస్తోంది. ఇందులో భాగంగా బ్రెజిల్ దేశానికి 2 మిలియన్ల కోవిషీల్డ్ వ్యాక్సిన్ ఎగుమతి చేశారు. గతంలో హైడ్రోక్సీ క్లోరోక్వీన్ మాత్రల్ని పంపించింది ఇండియా. 

భారత్ అందించిన సహాయానికి బ్రెజిల్ ( Brazil ) కృతజ్ఞతలు తెలుపుతోంది. అది కూడా కాస్త వినూత్న తరహాలో. భారత దేశాన్ని హత్తకునేలా ఉంది ఆ విధానం. రామాయణ ( Ramayanam ) ఇతివృత్తాన్ని ఎంచుకుంది దీనికోసం. నాడు లక్ష్మణుడిని కాపాడేందుకు సంజీవిని పర్వతాన్ని ( Sanjivani mountain ) మోసుకొచ్చిన హనుమంతుడి ( Lord Hanuman ) ఫోటోను...షేర్ చేస్తూ భారత్‌కు దన్యవాదాలు తెలిపారు బ్రెజిల్ అధ్యక్షుడు జైర్ బోల్సనారో ( Brazil president Jair Bolsonaro ). ఈ ఫోటో ద్వారా భారత్‌కు కృతజ్ఞతలు తెలిపారు.

నమస్కార్..ప్రైమ్ మినిస్టర్ మోదీజీ..కోవిడ్‌పై పోరులో మేం చేస్తున్న పోరుకు మీరు కూడా సహకరిస్తున్నందుకు కృతజ్ఞతలు. ఇది మాకు గర్వకారణం కూడా అని రాసి..ధన్యవాద్ భారత్ అంటూ షేర్ చేశారు. బ్రెజిల్  అధ్యక్షుడి ట్వీట్‌కు ప్రధాని మోదీ ( Pm Modi ) స్పందించారు. కోరనా వైరస్‌పై మనం కలసికట్టుగా చేస్తున్న పోరాటానికి మా సహకారం ఎప్పటికీ ఉంటుందని..ఆరోగ్యరంగంలో ఉభయదేశాలు సహకరించుకోవల్సిందేనని గుర్తు చేశారు. 

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe