Delhi Hotel Issue: కశ్మీరీ వ్యక్తికి ఢిల్లీ హోటల్‌లో రూమ్ ఎందుకివ్వలేదు, ఢిల్లీ పోలీసుల ఆదేశాలున్నాయా, వీడియో వైరల్

Delhi Hotel Issue: సోషల్ మీడియాలో ఇప్పుడొక వీడియో వైరల్ అవుతోంది. జమ్ము కశ్మీర్ చెందిన వ్యక్తి కావడం వల్ల హోటల్‌లో రూమ్ ఇవ్వలేదనేది ఆ వీడియా సారాంశం. ఈ విషయంపై ఢిల్లీ పోలీసులు స్పష్టత ఇచ్చారు. 

సోషల్ మీడియాలో ప్రస్తుతం వైరల్ అవుతున్న ఓ వీడియోపై ఢిల్లీ పోలీసులు వివరణ ఇచ్చారు. ఢిల్లీలో జమ్ము కశ్మీర్‌కు చెందిన ఓ వ్యక్తికి హోటల్‌లో రూమ్ ఇవ్వడానికి నిరాకరించారని వీడియోలో ఉంది. జమ్ముకశ్మీర్ ఐడీ ఉన్నవాళ్లెవరికీ రూమ్ ఇవ్వవద్దని ఢిల్లీ పోలీసులు చెప్పినట్టుగా ఆ వీడియోలో ఉంది.

ఈ వీడియో కాస్తా వైరల్ కావడంతో ఢిల్లీ పోలీసులు ప్రకటన విడుదల చేశారు. ఢిల్లీ పోలీసుల తరపు నుంచి ఇటువంటి ఆదేశాలేవీ జారీ కాలేదని స్పష్టం చేశారు. కొంతమంది నెటిజన్లు ఈ వీడియో ద్వారా ఢిల్లీ పోలీసుల పరువు తీసేందుకు ప్రయత్నిస్తున్నారని..వీటిపై చర్యలు తీసుకోవల్సి వస్తుందని హెచ్చరించారు.

అసలీ వైరల్ వీడియోలో ఏముంది

శ్రీనగర్‌కు చెందిన సయ్యద్ అనే ఓ వ్యక్తికి ఢిల్లీలోని ఓ హోటల్‌లో రూమ్ ఇచ్చేందుకు నిరాకరించారు. సయ్యద్ ఆ హోటల్ రూమ్‌ను ఓ వెబ్‌సైట్ ద్వారా బుక్ చేసుకున్నాడు. ఇది మార్చ్ 22న జరిగింది. ఆ హోటల్ రిసెప్షనిస్ట్ రూమ్ ఇచ్చేందుకు నేరుగా నిరాకరిస్తుంది. ఆ తరువాత ఎవరికో ఫోన్ చేయడం వీడియోలో కన్పిస్తుంది. ఈ గెస్ట్ సంగతి ఏం చేయాలని ఫోన్‌లో అడగడం కూడా చూడవచ్చు. జమ్ము కశ్మీర్ వ్యక్తులకు రూమ్ ఇవ్వద్దని పోలీసుల ఆదేశాలున్నాయని పోన్‌లో చెప్పడం కూడా వీడియోలో గమనించవచ్చు. ఈ మొత్తం వీడియోను రూమ్ బుక్ చేసినా..లభించని ఆ వ్యక్తి రికార్డు చేస్తాడు. అయితే పోలీసులు మాత్రం ఏ హోటల్‌కు కూడా ఎటువంటి ఆదేశాలివ్వలేదని అంటున్నారు. ఇది పూర్తిగా ఢిల్లీ పోలీసులు ప్రతిష్ఠకు భంగం కల్గించేందుకు కొందరు చేస్తున్న ప్రయత్నమంటున్నారు. ఇదంతా కశ్మీర్ ఫైల్స్ సినిమా ప్రభావమని కొందరు నెటిజన్లు విమర్శలు చేస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe