భారత్ లో గణనీయంగా తగ్గిన కొత్త కేసులు.. కారణమదేనా?

న్యూఢిల్లీ: దేశంలో ఆర్థిక వ్యవస్థ కొంత గడ్డుపరిస్థితి ఎదుర్కొంటున్నప్పటికీ కరోనా వైరస్ వ్యాప్తి నియంత్రణకు ఉద్దేశించిన లాక్‌డౌన్ ఫలప్రదమైందని, చాలా రాష్ట్రాల్లోని జిల్లాల్లో కొత్త కేసులు నమోదు కాకపోవడం సత్ఫలితాన్నిచ్చిందని కేంద్ర ఆరోగ్య మంత్రిత్వశాఖ సహాయ కార్యదర్శి పేర్కొన్నారు. లాక్‌డౌన్ విధించిన తర్వాత గత రెండు వారాల్లో దేశంలో 15 రాష్ట్రాల్లో కనీసం 25 జిల్లాల్లో ఒక్క కరోనా కేసు కూడా నమోదు కాకపోవడమే ఇందుకు నిదర్శనమని, ఇంతకు ముందు ఈ జిల్లాల్లో కరోనా కేసులు నమోదయినప్పటికీ తాజా కేసులేవీ లేవని అన్నారు. తద్వారా ప్రజల కదలికలపై విధించిన ఆంక్షలు గత 20 రోజుల్లో ఈ వైరస్ వ్యాప్తిని అదుపు చేసేందుకు తోడ్పడ్డాయి అన్నారు.