lockdown: 500 కి. మీ ల ప్రయాణం.. బిడ్డకు జన్మనిచ్చిన తల్లి.. హృదయ విదారక ఘటన..

భోపాల్: కరోనా తెచ్చిన కష్టం బడుగులకు శాపంగా మారింది. దేశవ్యాప్తంగా లాక్ డౌన్(lockdown) కొనసాగుతోన్న నేపథ్యంలో నగరాల్లోని దినసరి కూలీలు దిక్కుతోచక రాత్రి రాత్రే సర్దుకొని తమ సొంత గ్రామాలకు బయల్దేరారు. రవాణా సౌకర్యం పూర్తిగా నిలిచిపోయిన ఈ క్రమంలో కాలినడకే తప్ప వేరే మార్గం లేదు. అయితే మధ్యప్రదేశ్ కు చెందిన తొమ్మిది నెలల గర్భవతి 500 కిలో మీటర్లు నడిచి పండంటి బిడ్డకు జన్మనిచ్చిన సంఘటన అందరిని ఆశ్చర్యపరిచింది. గ్రామస్థులు తెలిపిన వివరాల ప్రకారం… దేశంలో కరోనా వైరస్ వ్యాప్తి వేగంగా పెరుగుతున్న ప్రధాని నరేంద్ర మోదీ లాక్‌డౌన్ విధించిన విషయం తెలిసిందే. దినసరి కూలీలు పనులు లేకపోవడంతో పాటు నగరాలలో ఉంటే వైరస్ సోకుతుందనే భయంతో గ్రామాలకు పయనమయ్యారు. ప్రజలకు వాహన సదుపాయం లేకపోవడంతో కాలినడకన వందల కిలో మీటర్లు ప్రయాణించి గమ్య స్థానాలను చేరుకున్నారు.