Mukesh Singh Mercy Petition: నిర్భయ దోషుల ఉరిపై ట్విస్ట్.. ఆరోజు కుదరదన్న ప్రభుత్వం

న్యూఢిల్లీ: నిర్భయ అత్యాచారం, హత్య దోషుల మరణ శిక్ష అమలు విషయంలో మరో ట్విస్ట్ చోటు చేసుకుంది. పాటియాలా హౌస్ కోర్ట్ డెత్ వారెంట్ ప్రకారం దోషులు ముకేశ్, పవన్ గుప్తా, అక్షయ్‌ ఠాకూర్, వినయ్ శర్మలకు జనవరి 22న ఉదయం 7 గంటలకు ఉరితీయాలి. అయితే నిర్ణీత తేదీన దోషులు నలుగురిని కచ్చితంగా ఉరితీయడం కుదరదని ఢిల్లీ ప్రభుత్వం బుధవారం హైకోర్టుకు తెలిపింది. దోషులలో ఒకరైన ముకేశ్ క్షమాభిక్ష పిటిషన్ ప్రస్తుతానికి రాష్ట్రపతి రామ్‌నాథ్ కోవింద్ వద్ద పెండింగ్‌లో ఉందని ప్రభుత్వం కోర్టుకు తెలిపింది.

తనకు విధించిన మరణశిక్ష నుంచి మినహాయింపు ఇచ్చి, శిక్షను జీవితఖైదుగా మార్చాలని ముకేశ్ ఇదివరకే రాష్ట్రపతి కోవింద్‌కు క్షమాభిక్ష పిటిషన్ దాఖలు చేసుకున్న విషయం తెలిసిందే. అయితే ఢిల్లీ హైకోర్టు ఈ పిటిషన్‌ను విచారించిన అనంతరం ఢిల్లీ ప్రభుత్వానికి చేరుతుంది. చివరగా రాష్ట్రపతి వద్దకు పిటిషన్ వెళుతుంది. ఈ క్రమంలో ఢిల్లీ ప్రభుత్వం వద్దకు ముకేవ్ క్షమాభిక్ష పిటిషన్ రాగా.. జనవరి 22న శిక్షఖరారురు నిర్ణయించే సమయంలో నిర్భయ దోషులను ఉరితీయలేమని హైకోర్టుకు ప్రభుత్వం తెలిపింది.