PM Kisan FPO: రైతులకు ముఖ్యగమనిక.. రూ.15 లక్షలు పొందండి ఇలా..

PM Kisan FPO Latest Update: పీఎం కిసాన్ సమ్మాన్ నిధి యోజన కింద 14వ విడత నిధులు విడుదల చేసేందుకు కేంద్ర ప్రభుత్వం సన్నాహాలు చేస్తోంది. ఇప్పటివరకు 13వ విడతల్లో రైతుల ఖాతాల్లో నగదు జమ చేసిన విషయం తెలిసిందే. ఈ పథకం కింద రూ.6 వేలను ఏడాదికి మూడు వాయిదాల్లో చెల్లిస్తోంది. వాయిదాకు రూ.2 వేల చొప్పున లబ్ధిదారుల ఖాతాలో జమ అవుతోంది. 13వ విడత నిధులు ఫిబ్రవరి 26న విడుదలయ్యాయి. ఈ పథకం కింద దేశవ్యాప్తంగా 9 కోట్ల మంది రైతులు లబ్ధిపొందుతున్నారు. ఏప్రిల్‌-జూలైలోపు 14వ విడతకు సంబంధించిన డబ్బులు జమ అయ్యే అవకాశం ఉంది. 

ఈ పథకానికి కంటే ముందే రైతులు మరో లబ్ధిపొందవచ్చు. రైతులు కొత్త వ్యవసాయ వ్యాపారం ప్రారంభించేందుకు కేంద్ర ప్రభుత్వం రూ.15 లక్షలను అందజేస్తోంది. కేవలం వ్యవసాయం సంబంధిత వ్యాపారానికి కోసమే పీఎం కిసాన్‌ ఎఫ్‌పీఓ యోజన పథకాన్ని ప్రారంభించింది. ఈ పథకం కింద రైతు ఉత్పత్తిదారుల సంస్థకు రూ.15 లక్షలు అందజేస్తారు. మీరు ఈ స్కీమ్ ప్రయోజనాలను పొందాలనుకుంటే.. 11 మంది రైతులు కలిసి ఒక సంస్థను ఏర్పాటు చేసుకోవాలి. వ్యవసాయ పరికరాలు, ఎరువులు, విత్తనాలు, మందులు కొనుగోలు సంబంధిత వ్యాపారం ప్రారంభించవచ్చు. 

ఎలా దరఖాస్తు చేసుకోవాలి..?

==> నేషనల్ అగ్రికల్చరల్ మార్కెట్ అధికారిక వెబ్‌సైట్‌కి వెళ్లాలి.
==> హోమ్ పేజీలో ఇచ్చిన ఎఫ్‌పీఓ ఆప్షన్‌పై క్లిక్ చేయండి.
==> ఇక్కడ 'రిజిస్ట్రేషన్' ఆప్షన్‌పై క్లిక్ చేయండి. ఫారమ్ ఓపెన్ అవుతుంది.
==> ఫారమ్‌లో అడిగిన సమాచారాన్ని జాగ్రత్తగా నింపండి.
==> ఆ తరువాత పాస్‌బుక్ లేదా క్యాన్సిల్ చేసిన చెక్ లేదా ఐడీని స్కాన్ చేసి అప్‌లోడ్ చేయండి.
==> చివరగా సబ్మిట్ బటన్‌పై క్లిక్ చేయండి. 

లాగిన్ ఇలా చేయాలి

==> నేషనల్ అగ్రికల్చర్ మార్కెట్ అధికారిక వెబ్‌సైట్‌కి వెళ్లండి.
==> మీరు హోమ్ పేజీలో ఇచ్చిన ఎఫ్‌పీఓ ఆప్షన్‌పై క్లిక్ చేయండి.
==> ఇప్పుడు లాగిన్ ఆప్షన్‌పై క్లిక్ చేయండి.
==> ఆ తరువాత లాగిన్ ఫారమ్ ఓపెన్ అవుతుంది
==> వినియోగదారు పేరు, పాస్‌వర్డ్, క్యాప్చా కోడ్‌ను ఎంటర్ చేయండి
==> మీరు లాగిన్ అవుతారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.