Kashi Vishwanath Corridor: ప్రధాని చేతుల మీదుగా కాశీ విశ్వనాథ్​ కారిడార్ ప్రారంభం నేడే

Kashi Vishwanath Corridor: ప్రధాని నరేంద్ర మోదీ నేడు ఉత్తర్​ ప్రదేశ్​లోని​ వారణాసి సందర్శించనున్నారు. గంగానదిని, కాశీ విశ్వనాథుడి ఆలయాన్ని కలుపుతూ నిర్మించిన కారిడార్​ను(Kasi Vishwanath corridor Inauguration) ప్రారంభించనున్నారు. అనంతరం ఈ కారిడార్​ను జాతికి అంకితం ఇవ్వనున్నారు.

ఈ ప్రాజెక్టు కోసం రూ.339 కోట్లు ఖర్చు (Kasi Vishwanath corridor budget) చేసింది ప్రభుత్వం. ప్రధాని మోదీ (PM Modi) సొంత పార్లమెంట్​ నియోజకవర్గం అయిన నేపథ్యంలో ఈ ప్రాజెక్ట్​పై ఆయన ప్రత్యేక శ్రద్ద వహించారు. పనులను ఎప్పటికప్పుడు సమీక్షించి.. ఇంజినీర్లకు పలు సూచనలు చేశారు.

భారీ ఏర్పాట్లు..

దేశంలో పవిత్ర పుణ్య క్షేత్రాల్లో కాశీ విశ్వనాథుడి ఆలయం కూడా ఒకటి. ఈ నేపథ్యంలో ఆలయ సుందరీకరణ పనులు, కారిడార్ ప్రారంభోత్సవం కోసం భారీ ఏర్పాట్లు చేశారు అధికారులు. ఆలయాన్ని విద్యుత్ దీపాలతో సుందరంగా అలంకరించారు. దీనితో వారణాసిలో (Varanasi) పండుగ వాతావరణం నెలకొంది.

55 అత్యాధునిక కెమెరాలు, భారీ డ్రోన్లతో ప్రాజెక్ట్​​ అందాలను చిత్రీకరిచనున్నారు. ఈ దృశ్యాలను దేశ ప్రజలంతా వీక్షించేలా ఏర్పాట్లు చేశారు.

'దివ్యకాశీ-భవ్య కాశీ' పేరుతో నెలపాటు సాంస్కృతిక కార్యక్రమాలు నిర్వహించనున్నారు. దేశంలోని ప్రధాన శివాలయాలన్నింటిలో ఎల్​ఈడీ తెరలను ఏర్పాటు చేసి.. ఈ కార్యక్రమాన్ని విక్షించే వీలు కల్పించనున్నారు అధికారులు.

ఈ కార్యక్రమానికి దేశంలోని వివిధ ప్రాంతాల నుంచి మత పెద్దలు, సాధువులు (Kasi Vishwanath Dham) తరలి రానున్నారు. మొత్తం మూడు వేల మంది రావచ్చని అంచనా. 12 మంది బీజేపీ పాలిత రాష్ట్రాల సీఎంలు ఈ కార్యక్రమానికి విచ్చేయనున్నారు.

2019లో శంకుస్థాపన..

కాశీ విశ్వనాథ్ కారిడార్​ అభివృద్ధి పనులకు 2019 మార్చిలో శంకుస్థాపన చేశారు ప్రధాని మోదీ. ఈ ప్రాజెక్ట్​ మొదలు పెట్టిన సమయం నుంచి ఎప్పటికప్పుడు సమీక్షిస్తూ వచ్చారు. దేశంలో ఆకర్షణీయమైన పుణ్య క్షేత్రంగా దీనిని తీర్చిదిదేలా చొరవ తీసుకున్నారు.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe