ప్రధాని మోదీ ఈ విపత్తును కనిపెట్టలేకపోతున్నారా..

న్యూఢిల్లీ: ప్రపంచమంతా ఒకవైపు కరోనా వైరస్ వ్యాప్తి ఆందోళన కలిగిస్తున్న నేపథ్యంలో మరోవైపు భారతదేశం(Economic Slowdown)ఆర్ధిక మందగమనంతోతో కొట్టుమిట్టాడుతోంది. అయితే దేశంలో అతిపెద్ద ఆర్థిక ఉపద్రవాన్ని ఎదుర్కోవడానికి అందరూ సంసిద్ధం కావాలని కాంగ్రెస్ ఉపాధ్యక్షుడు  రాహుల్ గాంధీ హెచ్చరించారు. రాబోయే రోజుల్లో ఆర్ధిక ఆందోళనను సునామీతో పోలుస్తూ భారతదేశ ఆర్థిక వ్యవస్థ తీవ్ర సంక్షోభంలో ఇరుక్కుపోయిందని, దీని పరిణామాలు ఎలా ఉంటాయో ఊహించలేమని హెచ్చరించారు. కాగా ఆయన మీడియాతో మాట్లాడుతూ 2004లో అండమాన్ నికోబార్ దీవులను అతలాకుతలం చేసిన సునామీని ఈ సందర్బంగా గుర్తు చేశారు.