గుజరాత్‌లో రీపోలింగ్ షురూ

గుజరాత్‌లోని ఆరు పోలింగ్ సెంటర్లలో రీపోలింగ్ మొదలైంది. వాద్గామ్, వీరంగామ్, దస్కొరాయ్, సావ్లి ఏరియాల్లో జరుగుతున్న ఈ పోలింగ్‌కు కట్టుదిట్టమైన భద్రతా ఏర్పాట్లు చేశారు. ఓటు హక్కును వినియోగించుకునేందుకు పోలింగ్ కేంద్రాల వద్ద ఓటర్లు బారులు దీరారు.  గుజరాత్‌లోని ఆరు పోలింగ్ సెంటర్లలో ఆదివారం రీపోలింగ్ నిర్వహించనున్నట్టు ఎన్నికల కమిషన్ తెలిపిన విషయం తెలిసిందే. ఈ నేపథ్యంలో ఈ రోజు ఇక్కడ రీపోలింగ్ నిర్వహిస్తున్నారు. మాక్ పోల్ నిర్వహించిన ప్రిసైడింగ్ అధికారులు ఈవీఎంల నుంచి మాక్‌పోల్ ఓట్లను తొలగించకపోవడంతో ఆయా చోట్ల రీపోలింగ్‌కు ఈసీ నిర్ణయించింది. కాగా రేపు (సోమవారం) ఓట్ల లెక్కింపుతో పాటు ..అదే రోజు ఎన్నికల ఫలితాలను ప్రకటించనున్నారు.