Remedies For Itchy Eyes: కంటి దురదతో ఇబ్బంది పడుతున్నారా? ఈ ఇంటి చిట్కాలు మీకోసం!

Home Remedies For Itchy Eyes: పెరుగుతున్న కాలుష్యం వల్ల చర్మంపైనే కాకుండా కళ్ళపై కూడా ప్రభావం ఎక్కువగా ఉంటుంది. ధూళి, పొగ వంటి కాలుష్య కారకాలు కళ్ళలోకి చేరి మంట, దురద, దుమ్ము వంటి సమస్యలకు దారితీస్తాయి. ఎవరికైనా అలెర్జీ ఉంటే ఈ కాలుష్యం వల్ల కళ్ళలో దురద సమస్య మరింత పెరుగుతుందని ఆరోగ్యనిపుణులు చెబుతున్నారు. అయితే కళ్ళలో దురద వచ్చినప్పుడు చాలామంది వాటిని చేతులతో గట్టిగా రుద్దుకుంటారు. కానీ ఇది కళ్ళకు చాలా హానికరం. దీని వల్ల కళ్ళలో మరింత చికాకు, నొప్పి పెరగడమే కాకుండా, దృష్టి సమస్యలు కూడా రావచ్చు. అయితే, కళ్ళలో దురదను తగ్గించడానికి కొన్ని సులభమైన ఇంటి నివారణలు ఉన్నాయి. ఈ చిట్కాలు చాలా వరకు దురద సమస్యను పరిష్కరించగలవు:

కంటి దురదకు కొన్ని ఇంటి నివారణలు:

కళ్ళు శుభ్రం చేసుకోవడం వల్ల కళ్ళలోని దుమ్ము, ధూళి తొలగిపోయి దురద తగ్గుతుంది. ఒక శుభ్రమైన గుడ్డను చల్లటి నీటిలో నానబెట్టి, దానితో కళ్ళు తుడవండి. అలాగే కళ్ళకు చల్లదనాన్ని కోసం గులాబీ నీళ్ళను ఉపయోగించవచ్చు. ఇందులో ఉండే యాంటీ-ఇన్ఫ్లమేటరీ, యాంటీ-బాక్టీరియల్ గుణాలు ఉన్నాయి. ఇవి కళ్ళకు చల్లదనాన్ని ఇస్తాయి దురదను తగ్గిస్తాయి. ఒక ప్యాడ్‌ను గులాబీ నీటిలో నానబెట్టి, కళ్ళపై ఉంచండి. 10-15 నిమిషాలు ఉంచిన తర్వాత తీసేయండి.

ఆవిరి పట్టుట కళ్ళలోని మంటను తగ్గించడానికి, దురదను తగ్గించడానికి సహాయపడుతుంది. ఒక గిన్నెలో వేడి నీరు పోసి, మీ ముఖాన్ని గిన్నెపై వంచి, ఆవిరిని పీల్చుకోండి. 5-10 నిమిషాలు ఇలా చేయండి. అల్లం రసం యాంటీ-ఇన్ఫ్లమేటరీ, యాంటీ-బాక్టీరియల్ గుణాలు కలిగి ఉంటుంది. ఇది కళ్ళకు చల్లదనాన్ని ఇస్తుంది, దురదను తగ్గిస్తుంది. ఒక టేబుల్ స్పూన్ అల్లం రసాన్ని ఒక గ్లాసు నీటిలో కలిపి తాగండి.

క్యారెట్, పాలకూర, బ్రోకలీ వంటి కూరగాయలు, బ్లూబెర్రీలు, పుచ్చకాయ వంటి పండ్లు యాంటీఆక్సిడెంట్లతో సమృద్ధిగా ఉంటాయి. ఇవి కళ్ళకు మంచివి. ఈ ఆహారాలను మీ ఆహారంలో చేర్చుకోండి. అలోవెరా జెల్‌ని కళ్లపై అప్లై చేయడం వల్ల దురద నుంచి ఉపశమనం లభిస్తుంది. మీ ఇంట్లో కలబంద మొక్క ఉంటే, మీరు ఒక స్లైస్‌ను కట్ చేసి దానిలోపల జెల్ రాసుకోవచ్చు. ఈ విధంగా కూడా ట్రై చేయవచ్చు...మీ కళ్లపై చల్లబడిన టీ బ్యాగ్‌లను ఉంచడం వల్ల దురద నుంచి కూడా ఉపశమనం లభిస్తుంది. తీవ్రమైన  దురద ఉన్నప్పుడు కొద్దిగా వేడిచేసిన ఆవు నెయ్యిని కళ్ల చుట్టూ రాసుకుంటే  ఉపశమనం పొందవచ్చు. కొబ్బరి నూనెను కళ్లపై పూయడం వల్ల దురద నుంచి కూడా ఉపశమనం లభిస్తుంది. అంతే కాకుండా చర్మాన్ని మృదువుగా మారుస్తుంది. జీలకర్రను నీళ్లలో మరిగించి చల్లార్చి ఈ నీటిని కళ్లపై రాయాలి. దీనివల్ల దురద నుంచి కూడా ఉపశమనం లభిస్తుంది. మీ కళ్ళలో దురద లేదా ఇన్ఫెక్షన్ తీవ్రంగా ఉంటే, ముందుగా వైద్యుడిని సంప్రదించండి.

ముఖ్య గమనిక: మీ కళ్ళలో దురద ఎక్కువగా ఉంటే, కళ్ళు ఎర్రగా మారడం, నొప్పి వంటి ఇతర సమస్యలు ఉండే వైద్యుడిని సంప్రదించండి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.