Holi 2021 Skin Care: హోలీ పండుగతో జర జాగ్రత్త, ఏమేం పాటిస్తూ హోలీ జరుపుకోవాలంటే

రంగు రంగుల పండుగ హోలీ వచ్చేసింది. కానీ ప్రస్తుతం కరోనా వైరస్ వ్యాప్తి, డబుల్ మ్యూటెంట్ రకం వైరస్ ఉన్న కారణంగా ఈ హోలీ పండుగ చాలా జాగ్రత్తగా జరుపుకోవాలి. కొందరికి జట్టు రాలడం, ముఖానికి మొటిమలు, మచ్చలు లాంటి ఎన్నో సమస్యలు ఉంటాయి. ఈ నేపథ్యంలో జరుపుకోనున్న హోలీ పండుగ వేళ చాలా జాగ్రత్తలు తీసుకోక తప్పదు. పైగా కరోనా వైరస్ వ్యాప్తికి కోవిడ్19 నిబంధనలు సైతం పాటించాలని వైద్య నిపుణులు సూచిస్తున్నారు.

హోలీ పండుగలో పాల్గొనాలంటే ఈ జాగ్రత్తలు పాటించండి..
- కళ్లల్లోకి రంగు వెళ్లకుండా ఏదైనా అద్దాలు ధరించి హోలీ ఆడాలి. లేనిపక్షంలో కళ్లల్లోకి రంగు వెళ్లి కంటి చూపుపై సైతం ప్రభావం చూపే అవకాశాలు లేకపోలేదు.

- మీ తల వెంట్రుకలు రాలుతున్నాయా(Hair Care), ఈ సమస్యతో బాధపడేవారు కచ్చితంగా తలకు ఏదైనా గుడ్డగానీ లేదా టోపీ ధరించడం ఉత్తమం.

- చర్మ సంబంధమైన చికిత్స చేయించుకున్న వారు అప్పుడే రంగుల జోలికి వెళ్లకూడదు. దానివల్ల చర్మంపై ప్రతికూల ప్రభావం కనిపించవచ్చు. కొన్నిసార్లు దీర్ఘకాలిక సమస్యల బారిన పడతారు.

- సహజసిద్ధమైన, ఆర్గానిక్ కలర్స్‌తో హోలీ ఆడటం బెటర్. ఆర్టిఫీషియల్ రంగులతో హోలీ ఆడితే అవి చర్మానికి(Skin Care) అతుక్కపోయి మంట, చిరాకు పుట్టిస్తాయి.

- పాత దుస్తులు ధరించి రంగుల పండుగను ఎంజాయ్ చేయండి. లేకపోతే మీ కొత్త దుస్తులు వేసుకుని ఎక్కడికి వెళ్లలేరు. పాత దుస్తులు అయితే వాటిని తీసివేయవచ్చు.

- రంగులు పూర్తిగా ఎండిపోక మునుపే వాటిని శుభ్రంగా కడుక్కుని వదిలించుకునే ప్రయత్నం చేయాలి.

- చర్మానికి కొబ్బరినూనె లాంటికి రాసుకుని హోలీ వేడుకల్లో పాల్గొనాలి. అప్పుడు మీ శరీరానికి అంటిన రంగు కడిగినప్పుడు త్వరగా పోతాయి.

- మొటిమలు, ముఖంపై మచ్చలు, దద్దుర్లు లాంటి సమస్యలతో బాధపడేవారు హోలీ ఆడకపోవడమే మంచిది. లేకపోతే వారి సమస్య మరింత పెద్దదిగా మారే అవకాశాలున్నాయి.

- అసలే కరోనా సెకండ్ వేవ్ సమయం కనుక గుంపులు గుంపులుగా ఏర్పడి హోలీ ఆడవద్దు. మాస్కులు సైతం ధరించి భౌతిక దూరం పాటిస్తూ రంగుల పండుగ జరుపుకోవాలి.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe