Chandrababu Pawan Meet: సీఎం చంద్రబాబు, డిప్యూటీ సీఎం పవన్ కల్యాణ్ భేటీ.. త్వరలో కీలక పరిణామాలు?
కీలక భేటీ: దేశ, రాష్ట్ర రాజకీయాల్లో కీలక పరిణామాలు జరుగుతున్న వేళ ముఖ్యమంత్రి చంద్రబాబు నాయుడుతో డిప్యూటీ సీఎం పవన్ కల్యాణ్ సమావేశం కావడం కీలక అంశంగా మారింది. ఉండవల్లిలోని సీఎం చంద్రబాబు నివాసానికి సోమవారం మధ్యాహ్నం డిప్యూటీ సీఎం పవన్ కల్యాణ్ చేరుకున్నారు.
కీలక అంశాలు: దాదాపు రెండున్నర గంటల పాటు జరిగిన సమావేశంలో సీఎం, డిప్యూటీ సీఎం కీలక అంశాలపై చర్చించినట్లు సమాచారం.
ఆసక్తికర చర్చ: ఈ సమావేశంలో పలు కీలక అంశాలపై ముఖ్యమంత్రి, డిప్యూటీ సీఎం మధ్య చర్చ జరిగిందని ప్రభుత్వ వర్గాలు వెల్లడించాయి.
బియ్యం రవాణా: ఈ సందర్భంగా కాకినాడ పోర్ట్ అక్రమ రేషన్ బియ్యం సరఫరాపై సీఎం చంద్రబాబు దృష్టికి డిప్యూటీ సీఎం తీసుకువెళ్లారని సమాచారం.
డిప్యూటీ సీఎం వివరణ: తాజా రాజకీయ అంశాలు, ఢిల్లీ పర్యటన విషయాలు కూడా చంద్రబాబుకు పవన్ కల్యాణ్ వివరించారని తెలుస్తోంది.
పదవులపై: ఇదే క్రమంలో ఈ సమావేశంలో రాజ్యసభ సీట్ల కేటాయింపు, నామినేటెడ్ పదవుల భర్తీపై ఇరు నాయకుల మధ్య చర్చ జరిగినట్లు కూటమి వర్గాలు వెల్లడించాయి.