Cold Waves: చలిగుప్పిట్లోకి రాష్ట్రం.. దారుణంగా పడిపోయిన టెంపరేచర్స్, ఈ 2 రోజులు జాగ్రత్త..
తెలంగాణలో రానురాను చలి తీవ్రత పెరిగిపోతుంది. ఉష్ణోగ్రతలు పడిపోవడంతో చలిగాలుల తీవ్రత ఎక్కువైంది. దీంతో ఆదిలాబాద్ నిర్మల్ లో ఎల్లో అలెర్ట్‌ ఇప్పటికే జారీ చేశారు.
అయితే ప్రజలు కూడా ఆరోగ్యంపై తగిన జాగ్రత్తలు తీసుకోవాలని హైదరాబాద్ వాతావరణ శాఖ హెచ్చరించింది. ముఖ్యంగా ఈ రెండు రోజులపాటు ఈ జాగ్రత్తలు తప్పనిసరి అని సూచించింది.
హైదరాబాద్లో కనిష్ట ఉష్ణోగ్రతలు ఇలా ఉన్నాయిజజ అంబర్‌పేట 15, వెంగళరావునగర్ 16, రియాసత్ నగర్ 14, మొండా మార్కెట్ 15. ముషీరాబాద్ 15. గోల్కొండ 13. ఆసిఫ్ నగర్ 15. చాంద్రాయణగుట్ట 15. వెస్ట్ మారేడుపల్లి 12. ఓయు 16 ఉష్ణోగ్రతలు నమోదవుతున్నాయి.
పడిపోతున్న ఉష్ణోగ్రతలు నేపథ్యంలో ప్రజలు పలు జాగ్రత్తలు తీసుకోవాలని వాతావరణ శాఖ స్పష్టం చేసింది. ముఖ్యంగా రెండు రోజుల పాటు చలి తీవ్రత మరింత ఉంటుందని ఈ నేపథ్యంలో తగిన దుస్తులు వేసుకోవాలని సూచిస్తున్నారు.
ముఖ్యంగా చిన్నారులు, వృద్ధులు, గర్భిణీలు ఆరోగ్యంపై తగిన జాగ్రత్తలు తీసుకోవాలి. చలి కోట్లు తప్పనిసరిగా ధరించాలి. మంకీ క్యాప్ ని కూడా ధరించాల్సి ఉంటుందని అయితే ఉదయం పూట బయటకు వెళ్ళకపోవడమే మంచిదని హెచ్చరిస్తున్నారు.