Diwali 2024: దీపావళి రోజు బంగారం కొనాలని ప్లాన్ చేస్తున్నారా? ఈ విషయాలు గుర్తుంచుకోండి.. లేదంటే భారీగా నష్టపోతారు

Gold Buying Tips: దీపావళి పండగ అంటే వెలుగుల పండగ. ఐదు రోజుల పాటు ఘనంగా జరిగే ఈ పండగకు బంగారం కొనేందుకు చాలా మంది ఆసక్తి చూపిస్తుంటారు. ఎందుకంటే దీపావళికి బంగారం కొనుగోలు చేయడం శుభప్రదంగా భావిస్తుంటారు. ఈ రోజు బంగారం కొంటే లక్ష్మీదేవి అనుగ్రహం లభిస్తుందని చాలా మంది  నమ్మకం. దీపావళికి ముందు వచ్చే ధన్‌తేరస్ రోజునా బంగారం కొనడం శుభప్రదంగా భావిస్తారు. ఈ ఏడాది ధంతేరస్ (ధంతేరాస్ 2024)ని 29 అక్టోబర్ 2024న జరుపుకుంటున్నారు. మీరు కూడా ఈ దీపావళికి బంగారం కొనాలని ప్లాన్ చేస్తున్నట్లయితే.. కొన్ని విషయాలపై ప్రత్యేక శ్రద్ధ పెట్టాలి. లేదంటే భారీగా నష్టపోయే అవకాశం ఉంటుంది. 

స్వచ్ఛమైన బంగారం:  స్వచ్ఛమైన బంగారం అనేది క్యారెట్లలో కొలుస్తారు. 24 క్యారెట్ల బంగారం స్వచ్ఛమైనదిగా పరిగణిస్తారు. 24 క్యారెట్ల బంగారంతో నగలు తయారు చేస్తారు. సాధారణంగా, బంగారు ఆభరణాల తయారీకి 22, 18 క్యారెట్ల బంగారాన్ని ఉపయోగిస్తారు. బంగారం కొనుగోలు చేసేటప్పుడు, మీరు ఎన్ని క్యారెట్ల బంగారం కొనుగోలు చేస్తున్నారో గుర్తుంచుకోవాలి. బంగారం ధర దాని క్యారెట్‌పై ఆధారపడి ఉంటుంది.   

హాల్ మార్క్: హాల్‌మార్క్ ఉన్నబంగారాన్ని మాత్రమే కొనాలి. ఎందుకంటే మీరు కొనుగోలు చేసే బంగారం స్వచ్ఛమైనదని హాల్‌మార్క్ నిర్ధారిస్తుంది. మీరు హాల్‌మార్క్ లేకుండా బంగారాన్ని కొనుగోలు చేస్తే, స్వర్ణకారుడు మీకు నిజమైన బంగారం పేరుతో నకిలీ బంగారాన్ని విక్రయించే అవకాశం ఉంది.  

బంగారం ధర: గత కొంత కాలంగా బంగారం ధరల్లో పెరుగుదల కనిపిస్తోంది. బంగారం కొనుగోలు చేసే ముందు బంగారం ధర ఎంత ఉందో తెలసుకోవాలి. మీకు బంగారం ధర తెలియకపోతే  అమ్మకం దారులు ఎక్కువ ధరకు విక్రయించే అవకాశం ఉంటుంది. అంతేకాదు నగల వ్యాపారి మీకు చెబుతున్న ధరను మార్కెట్‌లోని ఇతర షాపుల్లో ఎలా ఉందో తెలుసుకోవాలి.   

మేకించ్ ఛార్జీలు : మేకింగ్ ఛార్జీల కంటే ఎక్కువ వసూలు చేస్తారు.  ఎంత మేకింగ్ ఛార్జ్ వసూలు చేస్తున్నారనేది స్వర్ణకారుడిపై పూర్తిగా ఆధారపడి ఉంటుంది. మీరు బంగారాన్ని కొనుగోలు చేసే ముందు మేకింగ్ ఛార్జ్ గురించి తెలుసుకోవాలి. 

బిల్లు తీసుకోవాలి:  ఏదైనా బంగారాన్ని కొనుగోలు చేసిన తర్వాత, ఆభరణాల నుండి ధృవీకరించబడిన బిల్లును తప్పకుండా తీసుకోవాలి. ధృవీకరించిన బిల్లును మాత్రమే తీసుకోవాలి. ఎందుకంటే  భవిష్యత్తులో బంగారాన్ని విక్రయించడంలో లేదా పరీక్షించడంలో ఎలాంటి సమస్య ఉండదు.  

ఆన్‌లైన్ ట్రాన్సక్షన్స్:  నేటి కాలంలో, ఆన్‌లైన్ ట్రాన్స్ క్షన్స్ చాలా సులభంగా మారింది. మీరు బంగారం కొనుగోలు కోసం ఆన్‌లైన్ చెల్లింపు కూడా చేయాలి. తద్వారా మీరు లావాదేవీకి సంబంధించిన రికార్డును కూడా కలిగి ఉంటారు.