Yogi adityanath: తస్సాదియ్యా.. దీపావళి గిఫ్ట్ అంటే ఇది.. ఉద్యోగులకు యోగి సర్కారు ఇచ్చిన కానుక ఏంటో తెలుసా..?

ప్రస్తుతం దేశంలో ఎక్కడ చూసిన కూడా దీపావళి పండగ సందడి కన్పిస్తుంది. దీపావళిని ఐదురోజుల పండగ అని చెప్తుంటారు. ధన త్రయోదశి, నరక చతుర్దశి, దీపావళి అమావాస్య, బలి పాడ్యమి, భాయ్ దుజ్ గా జరుపుకుంటారు.

అయితే.. ఉత్తరాదిన దీపావళిని ఎంతో గ్రాండ్ గా జరుపుకుంటారు. ముఖ్యంగా దీపావళికి ప్రతి ఒక్కరు తమ ఇంటికి తప్పకుండా వెళ్తుంటారు. ఈ నేపథ్యంలో చాలా చోట్ల ఇప్పటికే దీవాళి సందర్భంగా ప్రభుత్వాలు సెలవులు సైతం ప్రకటించాయి.  

ఇదిలా ఉండగా... ఉత్తర ప్రదేశ్ యోగి సర్కారు ఇప్పటికే దీపావళి నేపథ్యంలో.. అన్ని ప్రభుత్వ ఆఫీసులు,స్కూళ్లు, కాలేజీలకు అక్టోబరు 31 నుంచి నవంబరు 1 వరకు సెలవులు ప్రకటించింది.   

అయితే.. నవంబరు 2 శనివారం, నవంబరు 3న ఆదివారం కావడంతో యోగి సర్కారుకు సీఎం ప్రత్యేకంగా ఉద్యోగులు రిక్వెస్ట్ చేసినట్లు తెలుస్తొంది. దీంతో దీనికి సానుకూలంగా స్పందించిన యోగి సర్కారు.. అన్ని స్కూళ్లు, ప్రభుత్వ కార్యాలయాలకు నవంబరు 2 కూడా సెలవు ఇస్తున్నట్లు ప్రకటించారు.

దీంతో ప్రస్తుతం ఇటు ఉద్యోగులకు, అందరికి కూడా నవంబరు 3 ఆదివారం కూడా కావడంతో వరుసగా.. 4 రోజుల పాటు సెలవులు దొరికినట్లైందని చెప్పుకొవచ్చు. దీంతో సొంత గ్రామాలకు వెళ్లిన వారు తమవారితో సరదాగా గడిపేందుకు, పండగను ఎంజాయ్ చేసుకునేందుకు మరింత అవకాశం దొరికినట్లు తెలుస్తొంది.

ఈ నేపథ్యంలో యోగీ సర్కారు నిర్ణయంతో ఉద్యోగులు ఫుల్ ఖుషీలో ఉన్నట్లు తెలుస్తొంది. మరొవైపు ఇప్పటికే దీపావళి నేపథ్యంలొ సొంత గ్రామాలకు వెళ్లేవారితో బస్సులు,రైళ్లు, విమానాలు కూడా ఫుల్ గా ఉంటున్నారు. చాలా మంది సొంత వాహానాల్లో సైతం తమ గ్రామాలకు వెళ్తున్నారు.