Gold Rate Today: సంక్రాంతి పండగ ముందు భారీగా తగ్గుతున్న బంగారం ధరలు.. నేడు ఎంత తగ్గిందంటే?

Gold Rate Today: కొత్త ఏడాదిలో బంగారం ధరలు భారీగా తగ్గే అవకాశం ఉందని చాలా మంది అంచనా వేశారు. కానీ ఏడాది ప్రారంభంలో వరుసగా బంగారం ధరలు భారీగా పెరిగాయి. ఒక రోజు పెరిగితే మరో రోజు తగ్గాయి. ఇలా హెచ్చుతగ్గులకు లోనయ్యాయి.   

అయితే మూడు రోజులు బంగారం ధరలు భారీగా పెరగడంతో పసిడి ప్రియుల్లో ఆందోళన నెలకొంది. ఈ సమయంలో బంగారం కొనుగోలు చేయాలా వద్దా అనే సందేహంలో పడ్డారు. అయితే నేడు మాత్రం బంగారం ధరలు స్వల్పంగా తగ్గాయి. 

2025 ప్రారంభంలోనే భారీగా పెరిగిన బంగారం ధర జనవరి 1న, 2వ తేదీన పాజిటివ్ ట్రెండ్ కనిపించింది. జనవరి 5వ తేదీన 22 క్యారెట్ల బంగారం ధర రూ. 77,150గా ఉంది. 24క్యారెట్ల బంగారం ధర రూ. 78,710గా నమోదు అయ్యింది. 

అయితే నేడు జనవరి 6వ తేదీ సోమవారం దేశంలో బంగారం ధరలు స్వల్పంగా తగ్గాయి. హైదరాబాద్ 24క్యారెట్ల పది గ్రాముల బంగారం ధర 78,170పలుకుతోంది.   

అదే 22 క్యారెట్ల బంగారం ధర రూ. 72150 ఉంది. ఆదివారం ధర కంటే నేటి ధర ఒకే విధంగా ఉన్నాయి. అయితే రానున్న రోజుల్లో బంగారం ధరలు మరింత తగ్గే అవకాశం ఉన్నట్లు తెలుస్తోంది. 

ఇప్పుడు బంగారం కొనుగోలు చేయాలని ప్లాన్ చేస్తున్నవాళ్లు కొన్నిరోజులు ఓపిక పట్టడం మంచిదేమో అంటున్నారు మార్కెట్ నిపుణులు.