Honor Magic 6 Pro: 108MP కెమెరాతో శక్తివంతమైన Honor Magic 6 Pro వచ్చేస్తోంది.. ఫీచర్స్‌, స్పెషిఫికేషన్స్‌ లీక్!
హానర్ Magic 6 Pro స్మార్ట్ఫోన్ లాంచ్‌ కాకముందే ఈ మొబైల్‌ సంబంధించిన ఫీచర్స్‌, స్పెషిఫికేషన్స్‌ సోషల్‌ మీడియాలో లీక్ అయ్యాయి. ఈ స్మార్ట్ఫోన్ Vivo ఇటీవలే లాంచ్‌ చేసిన శక్తివంతమైన మొబైల్‌ కన్నా ఎక్కువ ఫీచర్స్‌తో వస్తోంది.
లీక్ అయిన వివరాల ప్రకారం.. ఈ Magic 6 Pro స్మార్ట్ఫోన్ హై ఎండ్‌ మోడల్‌ సుమారు ధర రూ. 2,42,65 ఉండే అవకాశాలు ఉన్నట్లు తెలుస్తోంది. దీంతో పాటు 16 GB ర్యామ్‌, 512 GB ఇంటర్నల్‌ స్టోరేజ్‌ వేరియంట్ ధర సుమారు రూ. 72,400 ఉండే అవకాశాలు ఉన్నాయి.
హానర్ మ్యాజిక్ 6 ప్రో ఫీచర్ల వివరాల్లోకి వెళితే, ఈ స్మార్ట్ఫోన్ 6.8 అంగుళాల OLED డిస్ప్లేతో అందుబాటులోకి రాబోతోంది. దీంతో పాటు ఇది 2800 x 1264 పిక్సెల్స్‌తో రాబోతోంది.
ఈ హానర్ మ్యాజిక్ 6 ప్రో స్మార్ట్ఫోన్ చిప్‌సెటప్‌ వివరాల్లోకి చూస్తే, ఇది Qualcomm Snapdragon 8 Gen 3 SoC ప్రాసెసర్‌ను కలిగి ఉంటుంది. ఈ మొబైల్‌ Adreno 750 జీపీయూతో అందుబాటులోకి రానుంది.
ఇక ఈ స్మార్ట్ఫోన్ కెమెరా వివరాల్లోకి వెళితే, బ్యాక్ సెటప్‌లో 50MP ప్రధాన కెమెరాతో అందుబాటులోకి రాబోతోంది. అంతేకాకుండా అదనంగా 50MP అల్ట్రా-వైడ్ యాంగిల్ కెమెరా, 180MP పెరిస్కోప్ టెలిఫోటో కెమెరాలను కలిగి ఉంటుంది.
ఈ హానర్ మ్యాజిక్ 6 ప్రో స్మార్ట్ఫోన్ ఆండ్రాయిడ్ 14 ఆధారంగా మ్యాజిక్ OS 8.0పై రన్‌ అవుతుంది. అంతేకాకుండా 50MP ఫ్రంట్ కెమెరా, 5,600mAh బ్యాటరీ, 80W వైర్డు ఛార్జింగ్ సపోర్ట్‌తో వస్తోంది.