ICMR: భారత్‌కు పిడుగులాంటి వార్త.. ఒక్కరు కాదు ఆ ఇద్దరికీ చైనా వైరస్సే.. ఐసీఎంఆర్‌ అధికారిక ప్రకటన..!
అనుకున్నదే జరిగింది.. అందరూ భయపడుతున్నట్లు భారత్‌లోకి చైనా వైరస్‌ ఎంట్రీ ఇచ్చింది. ఒక్కరు కాదు ఇద్దరు చిన్నారులకు సోకింది. చైనా వైరస్‌ హ్యూమన్‌ మెటాన్యూమోవైరస్‌ (HMPV) సోకింది.
ఇవి అనుమానాలు కాదు, పుకార్లు కాదు ఏకంగా ఐసీఎంఆర్‌ ఈ చైనా వైరస్‌ పాజిటివ్‌ వార్తను అధికారికంగా ధ్రువీకరించింది. కానీ, ఆ ఇద్దరూ ఏ అంతర్జాతీయ ప్రయాణాలు చేయలేదు. కానీ, వీరికి అనుహ్యంగా వైరస్‌ సోకింది.
ఈ ఉదంతం మరింత భయాందోళనలను పెంచింది. ఏ ప్రయాణం చేసిన హిస్టరీ కూడా లేకుండా హెచ్‌ఎంపీవీ వైరస్‌ పాజిటివ్‌ రావడం ఏంటని అంత ఆశ్చర్యపోతున్నారు. ఇది భారత్‌ను మరింత కలవరపెడుతుంది.
హెచ్‌ఎంపీవీ వైరస్‌ ప్రపంచవ్యాప్తంగా భారత్‌తోపాటు ఇప్పటికే వ్యాప్తి చెందిందని అందుకే చాలామంది రొంప సమస్యలతో ఈసారి ఎక్కువగా బాధపడుతున్నారని చాలా దేశాల్లో హెచ్‌ఎంపీవీ లక్షణాలు కనిపిస్తున్నాయట. ఐసీఎంఆర్‌ ఐడీఎస్‌పీ నెట్‌వర్క్‌ ప్రకారం చాలామందికి రెస్పరేటరీ జబ్బులు విపరీతంగా పెరిగాయి.
కర్నాటకలోని బాప్తిస్ట్‌ ఆసుపత్రిలో ఓ మూడు నెలల పాపకు హెచ్‌ఎంపీవీ లక్షణాలు కనిపించాయి. మొదట బ్రోన్క్‌నిమోనియాతో బాధపడిన పాపకు ఈ వైరస్‌ లక్షణాలు ధ్రువీకరించారు.
ఇక 8 నెలల మరోపాపకు కూడా హెచ్‌ఎంపీవీ పాజిటివ్‌ ఈ నెల 3వ తేదీన వచ్చింది. ఈ పాప కూడా మొదట బ్రోన్కనిమోనియాతోనే బాధపడింది. ఆ తర్వాత హెచ్‌ఎంపీవీ పాజిటివ్‌ వచ్చింది
కానీ, ఈ ఇద్దరు పిల్లలు అంతర్జాతీయంగా ఏ ప్రయాణం చేయలదు. అలాంటివానిపి కలవలేదు. యూనియన్‌ హెల్త్‌ మినిస్ట్రీ దీనిపై అన్ని విధాలుగా ఆరా తీస్తుంది. హెచ్‌ఎంపీవీ వైరస్‌ వ్యాప్తిని ఎప్పటికప్పుడు ట్రాక్‌ చేస్తూనే ఉంటుంది. ప్రపంచ ఆరోగ్య సంస్థ కూడా ఎప్పటి కప్పుడు చైనాలోని పరిస్థితులను వెల్లడిస్తునే ఉంది.