Gold River: బంగారం ప్రవహించే నది, ఆశ్చర్యంగా ఉందా..మనదేశంలోనే

నది ఇసుక నుంచి బంగారు రేణువుల్ని సేకరించడం రోజంతా కష్టపడితేనే సాధ్యమవుతుంది. ఇక్కడి ప్రజలు రోజంతా అదే పనిలో ఉంటారు. రోజంతా ఇసుకను జల్లెడపట్టి...బంగారు రేణువుల్ని సేకరిస్తారు. ఒక్కొక్క రేణువును 80-100 రూపాయలకు అమ్ముతుంటారు. 

స్వర్ణరేఖ నది ఉపనది కర్కరీ నది. ఈ నది ఇసుకలో కూడా బంగారు రేణువులు లభిస్తాయి. అసలు స్వర్ణరేఖ నదిలో లభించే బంగారు రేణువులు కర్కరీ నది కారణంగానేనని కొంతమంది అంటుంటారు

మీడియా నివేదికల ప్రకారం...ఈ నది కొండల్లోంచి ప్రవహిస్తూ వస్తుంది. అందుకే బంగారు కణాలు కొట్టుకొస్తుంటాయి. ఇందులో ఎంతవరకూ నిజముందో ఇప్పటి వరకూ తెలియదు

ఈ నది జార్ఘండ్, పశ్చిమ బెంగాల్, ఒడిశాలో ప్రవహిస్తుంది. జార్ఘండ్‌లోని రాంచీలో జన్మించే ఈ నది రాంచీ నగరానికి 16 కిలోమీటర్ల దూరంలో ఉంటుంది. ఈ నది ప్రత్యేకత ఏంటంటే..ఏ ఇతర నదిలోనూ కలవదు. నేరుగా బంగాళాఖాతంలో కలుస్తుంది.

జార్ఘండ్‌లో ప్రవహించే స్వర్ణరేఖ నది ఇది. ఈ నదిలో నీటితో పాటు బంగారం ప్రవహిస్తుంటుంది. అందుకే స్వర్ణరేఖ నదిగా పిలుస్తారు. జార్ఘండ్‌లోని కొన్ని ప్రాంతాల్లోని గిరిజనులు ఉదయం నదిలో దిగి..సాయంత్రం వరకూ గాలిస్తారు. కొంత బంగారం సేకరిస్తారు. ఈ పనిని గిరిజనులకు చెందిన కొన్ని తరాలు చేస్తున్నాయి.