IPL 2020: ఐపీఎల్ లో తొలి 10 మ్యాచులపై ఆసక్తికరమైన విషయాలివే !
గత 12 ఐపీఎల్ సీజన్లో కేవలం 9 మాత్రమే సూపర్ ఓవర్లు నమోదు అయ్యాయి. కానీ ఈ ఐపీఎల్ 2020 తొలి 10 మ్యాచుల్లోనే 2 సూపర్ ఓవర్లు నమోదు అయ్యాయి. ఢిల్లి వర్సెస్ పంజాబ్ టీమ్లు, ముంబై వర్సెస్ బెంగుళూరు టీమ్స్ సూపర్ ఓవర్స్ వరకు వచ్చాయి.
అత్యధిక పరుగులు ఛేజ్ చేసిన 12 సంవత్సరాల రికార్డు కూడా ఐపీఎల్ 2020లో బ్రేక్ అయింది. పంజాబ్ టీమ్ నిర్ధేశించిన 224 పరుగులను రాజస్థాన్ టీమ్ పూర్తి చేసి చూపించింది.
ఐపీఎల్ మ్యాచుల్లో తొలి రెండు సెంచరీలు భారతీయ బ్యాట్స్ మెన్ చేయడం ఇది తొలి సారి. కేఎల్ రాహుల్ ( 132 ), మయాంక్ అగర్వాల్ ( 106 ) పరుగులు చేశారు. ఇద్దరూ పంజాబ్ టీమ్ ప్లేయర్సే.
99 పరుగులు వద్ద ప్రతీ బ్యాట్స్ మెన్ కు కాస్త భయం ఉంటుంది. కొన్ని సార్లు ఆభయమే నిజం అవుతుంది. ఇలా 99 పరుగులపై ఐపీఎల్ లో ఔట్ అయిన 3వ బ్యాట్స్ మెన్ ఇషాన్ కిషన్.
ఐపీఎల్ 2020 రాజస్థాన్ రాయల్స్ రికార్డు క్రియేట్ చేసింటి. చివరి ఐదు ఓవర్లలో 86 రన్స్ చేసింది. అంతకు ముందు 2012లో రాయల్ ఛాలెంజర్స్ బెంగుళూరు 5 ఓవర్లు 77 పరుగులు చేసింది.