Jr NTR Top Movies: RRR స‌హా జూనియర్ ఎన్టీఆర్ కెరీర్‌ను ఛేంజ్ చేసిన టాప్ మూవీస్ ఇవే..
RRR (ఆర్ఆర్ఆర్)
రాజమౌళి దర్శకత్వంలో తెరకెక్కిన ఆర్ఆర్ఆర్ (రౌద్రం రణం రుధిరం) మూవీ భారతీయ బాక్సాఫీస్ దగ్గర బ్లాక్ బస్టర్‌గా నిలిచింది. ఈ సినిమాతో ఎన్టీఆర్ గ్లోబల్ స్టార్‌గా ఎదిగాడు.
అరవింద సమేత వీరరాఘవ త్రివిక్రమ్ శ్రీనివాస్ దర్శకత్వంలో ఎన్టీఆర్, పూజా హెగ్డే టైటిల్ రోల్ పోషించిన చిత్రం 'అరవింద సమేత వీరరాఘవ'. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది.
జై లవకుశ
ఎన్టీఆర్ తొలిసారి త్రిపాత్రాభినయంలో బాబీ దర్శకత్వంలో నందమూరి కళ్యాణ్ రామ్ నిర్మించిన ఈ సినిమా టాలీవుడ్ బాక్సాఫీస్ దగ్గర బ్లాక్ బస్టర్‌గా నిలిచింది.
జనతా గ్యారేజ్
కొరటాల శివ దర్శకత్వంలో మోహన్‌లాల్ మరో ముఖ్యపాత్రలో నటించిన చిత్రం 'జనతా గ్యారేజ్'. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది.
నాన్నకు ప్రేమతో
సుకుమార్ దర్శకత్వంలో సున్నితమైన తండ్రీ కొడుకుల అనుబంధం నేపథ్యంలో తెరకెక్కిన చిత్రం 'నాన్నకు ప్రేమతో'. ఈ సినిమా బాక్సాఫీస్ దగ్గర హిట్‌గా నిలిచింది.
టెంపర్
పూరీ జగన్నాథ్ దర్శకత్వంలో ఎన్టీఆర్ హీరోగా నటించిన సినిమా టెంపర్. తారక్ నెగిటివ్ షేడ్స్ క్యారెక్టర్‌లో నటించిన ఈ సినిమా తారక్ కెరీర్‌లో డిఫరెంట్ మూవీగా నిలిచిపోయింది. అప్పటి నుంచి అపజయం ఎరగకుండా దూసుకుపోతున్నాడు.
బృందావనం
వంశీ పైడిపల్లి దర్శకత్వంలో దిల్ రాజు నిర్మాణంలో ఎన్టీఆర్ హీరోగా నటించిన మూవీ 'బృందావనం'. ఈ సినిమాలో తారక్ సరసన కాజల్ అగర్వాల్, సమంత కథానాయికలుగా నటించారు. ఈ సినిమా మంచి విజయం సాధించింది.
అదుర్స్
వి.వి.వినాయక్ దర్శకత్వంలో ఎన్టీఆర్ పూర్తి స్థాయిలో ద్విపాత్రాభియం చేసిన సినిమా 'అదుర్స్'. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది.
యమదొంగ రాజమౌళి దర్శకత్వంలో ఎన్టీఆర్.. హీరోగా నటించిన సోషియో ఫాంటసీ మూవీ 'యమదొంగ'. మోహన్ బాబు యమధర్మరాజుగా నటించిన ఈ మూవీ తారక్ కెరీర్‌లో మరో బ్లాక్ బస్టర్‌గా నిలిచింది.
సింహాద్రి రాజమౌళి దర్శకత్వంలో తెరకెక్కిన మూవీ 'సింహాద్రి'. ఈ సినిమాతో ఎన్టీఆర్ స్టార్ హీరోగా స్థిరపడ్డాడు. తిరుగులేని మాస్ ఇమేజ్‌ ఈ సినిమాతో దక్కించుకున్నాడు.
ఆది
వి.వి.వినాయక్ దర్శకత్వంలో తెరకెక్కిన 'ఆది' మూవీ ఎన్టీఆర్ కెరీర్‌లో డిఫరెంట్ మూవీగా నిలిచిపోయింది. తొలిసారి మాస్ హీరోగా తారక్‌ను ఎస్టాబ్లిష్ చేసిన చిత్రంగా రికార్డులకు ఎక్కింది.
స్టూడెంట్ నెం. 1
రాజమౌళి దర్శకత్వంలో తెరకెక్కిన మూవీ 'స్టూడెంట్ నెం. 1. ఈ సినిమాతో తొలిసారి ఎన్టీఆర్ హీరోగా సక్సెస్ అందుకున్నాడు. దర్శకుడిగా రాజమౌళికి ఇదే ఫస్ట్ మూవీ కావడం విశేషం.
రామాయణం జూనియర్ ఎన్టీఆర్ బాల రాముడిగా నటించిన సినిమా 'రామాయణం'. యం.యస్.రెడ్డి నిర్మాతగా గుణశేఖర్ దర్శకత్వంలో తెరకెక్కిన ఈ సినిమా బాక్సాఫీస్ దగ్గర మంచి విజయం సాధించింది.