Devara NTR Record: ‘దేవర’ మూవీతో ఎన్టీఆర్ ఖాతాలో మరో రేర్ రికార్డ్..
Devara 100 Days: ఓటీటీలు వచ్చిన తర్వాత ఒక సినిమా ఓ వారం రోజుల్లో ఎంత కలెక్ట్ చేస్తుందనే దానిపై ఆ సినిమా హిట్టా..? ఫట్టా అని డిసైడ్ చేస్తున్నారు ప్రేక్షకులు. అందుకే బడా హీరోలు తమ సినిమాకు భారీ హైప్ క్రియేట్ అయ్యేలా ప్రచారాలు నిర్వహిస్తున్నారు. డిజిటల్ యుగంలో ఓ సినిమా రెండు వారాలు ఆడితే గొప్ప అనుకునే రోజుల్లో ఎన్టీఆర్ ‘దేవర’తో కొత్త రికార్డు క్రియేట్ చేశారు.
గతేడాది సెప్టెంబర్ 27న విడుదలైన ఎన్టీఆర్ ‘దేవర’ మూవీ.. ఈ నెల 4తో ఈ సినిమా 100 రోజుల పరుగును పూర్తి చేసుకుంది. అది కూడా 6 కేంద్రాల్లో ‘దేవర’ మూవీ 100 రోజుల రన్ పూర్తి చేసుకోవడం విశేషం.
మొత్తంగా ఈ సినిమా తూర్పు గోదావరిలో మల్లికి పురమ్ లో పద్మజా కాంప్లెక్స్ .. మండపేటలో రాజరత్న కాంప్లెక్స్ తోపాటు గుంటూరు జిల్లాలో రామకృష్ణ.. చిత్తూరులో ద్వారకా పిక్చర్స్ ప్యాలెస్, కొల్లూరులోని ఎంఎన్ఆర్, రొంపిచెర్లలో ఎంఎం డీలక్స్ థియేటర్ లో ఈ సినిమా 100 రోజులు పరుగును పూర్తి చేసుకొని సరికొత్త రికార్డు క్రియేట్ చేసింది.
ప్రస్తుతం ‘దేవర’ మూవీ నెట్ ఫ్లిక్స్ లో హిందీ సహా భారతీయ భాషల్లో స్ట్రీమింగ్ అవుతోంది. అంతేకాదు విదేశీ భాషలైన స్పానిష్, కొరియన్, బ్రెజిలియన్, ఇంగ్లీష్ లో ఈ చిత్రం స్ట్రీమింగ్ అవుతోంది.
త్వరలో ఎన్టీఆర్ ‘దేవర’ మూవీ జపాన్ లో విడుదల కానుంది. ఆర్ఆర్ఆర్ వంటి ప్యాన్ ఇండియా సక్సెస్ తర్వాత ‘దేవర’తో అదే రేంజ్ సక్సెస్ అందుకోక పోయినా.. బాక్సాఫీస్ దగ్గర కలెక్షన్స్ తో కుమ్మేసింది. ఈ సినిమా వరల్డ్ వైడ్ గా రూ. రూ. 500 కోట్ల గ్రాస్ క్లబ్బులో చేరింది. తెలుగు రాష్ట్రాల్లో రూ. 180 కోట్ల షేర్.. (రూ. 350 కోట్ల గ్రాస్) వసూళ్లను రాబట్టిన సంగతి తెలిసిందే కదా.
ప్రస్తుతం ఎన్టీఆర్.. వరుస సినిమాలు చేస్తున్నారు. హిందీలో హృతిక్ రోషన్ తో ‘వార్ 2’, దేవర పార్ట్ -2, ప్రశాంత్ నీల్ తో ‘డ్రాగన్’ మూవీతో పాటు నెల్సన్ దిలీప్ కుమార్, వెట్రిమారన్ చిత్రాలున్నాయి.