Karnataka Elections: ఓటింగ్ శాతం పెంచేందుకు అధికారులు కృషి.. వీధుల్లో వినూత్న కార్యక్రమాలు
సిద్దాపూర్ గ్రామంలోని బస్టాండ్ ఆవరణలో హిన్నాలె ఇంచార జాగృతి కళాబృందం ఆధ్వర్యంలో ఓటింగ్‌పై అవగాహన కల్పించారు. ఈ సందర్భంగా వీధి నాటక ప్రదర్శన నిర్వహించారు. బస్టాండ్ ఆవరణలో ప్రజలు క్యూలో నిలబడి ఓటు వేస్తామని హామీ ఇచ్చేందుకు ఒకరి తర్వాత ఒకరు సంతకాలపై సంతకాలు చేశారు.
గ్రామంలోని ప్రధాన వీధుల్లో పర్యటించి ఓటింగ్‌కు సంబంధించిన పాటలు పాడుతూ అవగాహన కల్పించారు. అధికారులు, అంగన్‌వాడీ, ఆశ కార్యకర్తలు, సహాయక సంఘాల సభ్యులు జోరుగా నినాదాలు చేస్తూ.. ప్రతి ఒక్కరూ ఓటు హక్కు వినియోగించుకోవాలని కోరారు.
సిద్దాపూర్ గ్రామపంచాయతీ మోడల్ పోలింగ్ బూత్-149లో జాగృతి ప్లకార్డులు ప్రదర్శిస్తూ.. వీధుల్లో పర్యటించారు.
కుష్టగి తాలూకా చలగేరి గ్రామంలో భారీ ఓటింగ్ అవగాహన కార్యక్రమం నిర్వహించారు. స్వీప్ కమిటీ చైర్మన్, కార్యనిర్వాహక అధికారులు హనుమంత గౌడ పాటిల్ ఈ కార్యక్రమాన్ని ప్రారంభించారు.
బేవూరు గ్రామంలోని ప్రతి వార్డులో పంచాయతీ కార్యనిర్వహణాధికారుల ఆధ్వర్యంలో గ్రామంలోని ఓటర్లు ‘తప్పకుండా ఓటు వేయండి.. మా ఓటు మా హక్కు’ అంటూ నినాదాలు చేశారు.