Kitchen Hacks: శ్రావణ మాసంలో కొట్టిన కొబ్బరి కాయలు మిగిలిపోయాయా.. ఇలా వాడి చూడండి
Kitchen Tips: శ్రావణమాసం వచ్చిందంటే చాలు పలు రకాల పూజలు నోములు వ్రతాలతో ఇంట్లో కొబ్బరి చిప్పలు మిగిలిపోతూ ఉంటాయి. వీటిని ఏం చేయాలని ఆలోచిస్తున్నారా? అయితే కొబ్బరి చిప్పలతో ఏం చేయవచ్చో తెలుసుకుందాం.
కొబ్బరి చిప్పలను అలాగే వదిలి వేస్తే పాడైపోయే ప్రమాదం ఉంది. అందుకే కొబ్బరి చిప్పలను ఎండలో పెట్టి ఎండపెట్టినట్లయితే అవి ఎండు కొబ్బరిగా మారిపోతుంది. వీటిని చిన్న చిన్న ముక్కలుగా చేసి స్టోర్ చేసుకున్నట్లయితే.. మసాలా కూరల్లో పొడి చేసి వాడుకోవచ్చు.
కొబ్బరి చిప్పల్లోని కొబ్బరిని తురిమి ఎండబెట్టి పొడిగా చేసుకొని స్టోర్ చేసుకోవచ్చు. ఈ ఎండు కొబ్బరి పొడిని వివిధ కూరల్లో వాడుకోవచ్చు.
కొబ్బరి చిప్పల్లోని కొబ్బరిని ఎండిన అనంతరం.. నూనె మిల్లులో ఇచ్చి కొబ్బరి నూనె తయారు చేయించుకోవచ్చు. ఇలా చేయడం వల్ల మీకు ఫ్రెష్ నూనె లభ్యం అవుతుంది.
పచ్చి కొబ్బరి చిప్పలు మిగిలిపోయినట్లయితే..అందులోని కొబ్బరి నీ తురిమి బెల్లం కలిపి స్వీట్ తయారు చేసుకోవచ్చు . ఇది పిల్లలకు ఎంతో మంచిది.
కొబ్బరి ముక్కలు మిగిలిపోయినట్లయితే వాటిని మిక్సీలో వేసి గ్రైండ్ చేసి కొబ్బరి పాలను సేకరించవచ్చు. ఈ కొబ్బరిపాలతో వివిధ రకాల కూరల్లో వేసి రుచికరంగా చేయవచ్చు.
కొబ్బరి చిప్పలను ఎండలో ఆరబెట్టి వాటి నుంచి ఎండుకొబ్బరి తీసి దాన్ని పొడి రూపంలో చేసిన అనంతరం అందులో ఉప్పు కారం వేసి కొద్దిగా నువ్వులు కలిపి కొబ్బరి పొడిని తయారు చేసుకోవచ్చు. దీన్ని అన్నం లోను ఇడ్లీలోను నంచుకొని తినవచ్చు.
పచ్చి కొబ్బరి తురుమును ఒక ఎయిర్ టైట్ కంటైనర్ లో వేసి ఫ్రిజ్లో దాచి పెట్టుకోవచ్చు. దీన్ని ఎప్పుడు కావాలంటే అప్పుడు బయటకు తీసి కూరలో వాడుకోవచ్చు.
పచ్చి కొబ్బరికాయలు తురిమి ఇందులో రవ్వ కలిపి పంచదార వేసి నెయ్యితో రవ్వ లడ్డు కూడా తయారు చేసుకొని తినవచ్చు.