Kasturi Shankar: అల్లు అర్జున్ ఘటనపై డిప్యూటీ సీఎం రియాక్షన్.. సంచలన ట్విట్ చేసిన నటి కస్తూరీ శంకర్.. ఏమన్నారంటే..?
పవన్ కళ్యాణ్ తాజాగా.. చిట్ చాట్ లో భాగంగా అల్లు అర్జున్ అరెస్ట్ పై షాకింగ్ కామెంట్స్ చేశారు. పుష్ప2 థియేటర్ దగ్గర జరిగిన తొక్కిసలాట ఘటన చాలా బాధకరమన్నారు.
రేవతి కుటుంబానికి తన ప్రగాఢ సంతాపం తెలిపారు. ఇదే నేపథ్యంలో రేవంత్ హీరో కాబట్టి.. మరో హీరోను అరెస్ట్ చేయగలిగాడన్నారు. శ్రీతేజ్ తొందరగా కొలుకొవాలని కోరుకుంటున్నట్లు తెలిపారు.
రేవంత్ రెడ్డి చేసిన దాంట్లో తప్పేమిలేదని అంటునే.. బన్నీ లేదా పుష్ప2 మూవీ యూనిట్ ఘటన జరగ్గానే కరెక్ట్ గా స్పందిస్తే... ఇంత దూరం వచ్చేది కాదన్నారు.
చట్టం ముందు అందరం సమానమే అంటూ కూడా రేవంత్ పాలనను ప్రశంసించారు. ఈక్రమంలో పవన్ కళ్యాణ్ తాజాగా చేసిన వ్యాఖ్యలు ప్రస్తుతం ఇండస్ట్రీతో పాటు, రాజకీయంగా కూడా కాకరేపుతున్నాయి.
ఈ నేపథ్యంలో నటి కస్తూరీ శంకర్ చేసిన ట్విట్ ప్రస్తుతం వార్తలలో నిలిచింది. పవన్ కళ్యాణ్ నిజమైన పెద్ద మనిషిలా వ్యవహరించారన్నారు. చాలా మెచ్చుర్డ్ గా మాట్లాడారన్నారు. ఎక్కడ కూడా వన్ సైడ్ తీసుకున్నట్లు మాట్లాడలేదన్నారు.
అదే విధంగా నటి కస్తూరీ ఈ విషాదాలన్ని మర్చిపోయి.. కొత్త ఆశలతో కొత్త ఏడాది 2025కి ఆనందంగా స్వాగతం పలుకుదామని కూడా ఎక్స్ లో పోస్ట్ చేశారు. ప్రస్తుతం నటి కస్తూరీ వ్యాఖ్యలు మాత్రం వార్తలలో నిలిచాయి.