Pooja Hegde: పొట్లంకట్టిన బిర్యానికి బొట్టు బిళ్ళ పెట్టినట్టు.. ఆకట్టుకుంటున్న పూజా హెగ్డే ఫోటోలు

మాస్క్ అనే తమిళ సినిమాతో తెరంగేట్రం చేసింది హీరోయిన్ పూజ హెగ్డే. ఆ తరువాత నాగచైతన్య హీరోగా చేసిన ఒక లైలా కోసం.. వరుణ్ తేజ్ హీరోగా చేసిన ముకుందా సినిమాలతో మంచి పేరు తెచ్చుకుంది.  

తెలుగులో స్టార్టింగ్ స్టేజ్ లో ఉన్నప్పుడే హిందీలో హృతిక్ రోషన్ తో మొహెంజో దారో చిత్రంలో కనిపించి మెప్పించింది. అయితే పూజకి హిందీలో కన్నా తెలుగులోనే అప్పట్లో ఎక్కువగా అవకాశాలు వచ్చాయి..

కెరియర్ స్టార్టింగ్ లోనే రంగస్థలం లాంటి సినిమాలో ఐటమ్ సాంగ్ చేసిన ఈ హీరోయిన్.. త్రివిక్రమ్ సినిమాలు అరవింద సమేత..అల వైకుంఠపురములో తో భారీ సక్సెస్ లు అందుకుంది.

కానీ గత కొద్ది కాలంగా మాత్రం పూజా టైం పెద్దగా బాగోలేదు. ఆమె నటించిన చిత్రాలు అన్ని వరుసగా ఫ్లాప్ అయ్యాయి.‌ ముఖ్యంగా బీస్ట్, రాధేశ్యామ్‌, ఆచార్య, సర్కస్ లాంటి సినిమాలు ఆమె కెరియర్ లోనే డిజాస్టర్స్ గా మిగిలాయి. 

ఈ నేపథ్యంలో తదుపరి సినిమాలతో అయినా పూజ మంచి విజయాలు సాధిస్తుందా లేదా అని ఆమె అభిమానుల్లో కలవరం మొదలైంది.

అయితే తాజాగా పూజ షేర్ చేసిన ఇంస్టాగ్రామ్ ఫోటోలు మాత్రం ఆమె అభిమానులను తెగ ఖుషి చేస్తున్నాయి. బ్లాక్ శారీలో ఎంతో అందంగా కనిపిస్తూ అందరిని ఫిదా చేసింది ఈ హీరోయిన్. అంతేకాకుండా తన పోస్ట్ కి ‘పొట్లం కట్టిన బిర్యానికి బొట్టు బిళ్ళ పెట్టినట్టు’ అంటూ అలా వైకుంఠపురంలో రాములో రాములో పాటను క్యాప్షన్ గా పెట్టేసింది ఈ హీరోయిన్