Rain Alert: బంగాళాఖాతంలో అల్పపీడనం.. ఈ జిల్లాల్లో నేడు భారీ వర్షాలు, ఐఎండీ హెచ్చరిక..

బంగాళఖాతంలో ఏర్పడిన అల్పపీడనం వల్ల తెలుగు రాష్ట్రాల్లో తేలికపాటి వర్షాలు కురిసే అవకాశం ఉందని ఐఎండీ హెచ్చరిస్తోంది. దక్షిణ మధ్య బంగాళాఖాతంలో ఉపరితల ఆవర్తనం ఏర్పడింది.  

ఇది తీరం చేరే సమయానికి బలహీన పడుతోంది. దీంతో ఏపీలోకి ముఖ్యంగా కొన్ని జిల్లాల్లో తేలికపాటి రెండు రోజుల పాటు కురుస్తాయని ఐఎండీ హెచ్చరించింది. దక్షిణ మధ్య బంగాళాఖాతం ఉపరితల ఆవర్తనం, నైరుతి బంగాళాఖాతంలో ప్రతి ఆవర్తనం కొనసాగుతుంది.  

ఈ నేపథ్యంలో ఆంధ్రప్రదేశ్‌ రాష్ట్రంలోని ప్రత్యేకంగా నెల్లూరు, కర్నూలు, నంద్యాల, చిత్తూరు, తిరుపతి, పల్నాడు, ప్రకాశం, బాపట్ల జిల్లాల్లో రెండు రోజులపాటు తేలికపాటి వర్షాలు కురిసే అవకాశం ఉందని ఐఎండీ హెచ్చరించింది.  

ఇప్పటికే తెలంగాణలో హైదరాబాద్‌ ప్రాంతాల్లో పగటి ఉష్ణోగ్రతలు పెరుగుతున్నాయి. కానీ, రాత్రుల్లో ఈ ఉష్ణోగ్రతలు పడిపోతున్నాయి. వాతావరణం చల్లగా మారిపోతుంది.   

అయితే, నవంబర్ 11 వరకు ఈ అల్పపీడన ప్రభావం ఉంటుంది. దీనివల్ల రెండు రాష్ట్రాల్లో తేలికపాటి వర్షాలు కురుస్తాయని చెబుతున్నారు. కొన్ని ప్రాంతాల్లో ఈదురు గాలులు కూడా వీస్తాయని హెచ్చరించింది వాతావరణ శాఖ.