Rasi Phalalu 2024: 2024లో బుధుడు 3 సార్లు తిరోగమనం..ఈ రాశుల వారికి నష్టాలే..నష్టాలు..

రాబోయే 2024 సంవత్సరంలో జ్యోతిష్య శాస్త్రంలో గొప్ప ప్రాముఖ్యత కలిగిన బుధ గ్రహం తిరోగమనం చేయబోతోంది. దీని కారణంగా కొన్ని రాశుల వారికి ప్రయోజనాలు కలిగితే మరికొన్ని రాశుల వారికి అనేక రకాల సమస్యలు ఎదురయ్యే అవకాశాలు ఉన్నాయి. ప్రతి నెల బుధ గ్రహం ఒక రాశి నుంచి మరో రాశికి సంచారం చేస్తుంది.  దీని కారణంగా ప్రత్యేక ప్రభావం ఏర్పడుతుంది.

రాబోయే 2024 సంవత్సరంలో బుధ గ్రహం మొత్తం 3 నుంచి 4 సార్లు తిరోగమనం చేయబోతోంది. అంతేకాకుండా మొదట బుధ గ్రహం జనవరి 2వ తేదీన ప్రత్యక్ష సంచారం చేయబోతోంది. ఈ సంచారం కారణంగా జ్యోతిష్య శాస్త్రంలో ఎంతో కీలకమైన గ్రహాలపై ప్రత్యేక ప్రభావం పడబోతోంది. అయితే ఈ సంచారం కారణంగా ఏయే రాశుల వారిపై ఎలాంటి ప్రభావం పడుతుందో ఇప్పుడు తెలుసుకోండి.  

బుధ గ్రహం 2024లో మొదటగా ఏప్రిల్ 24వ తేదీన మేష రాశిలో తిరోగమనం చేయబోతోంది. దీని కారణంగా కొన్ని రాశుల వారికి తీవ్ర ఇబ్బందులు కలుగుతాయి. ముఖ్యంగా ఈ సమయంలో మేష రాశి వారు తప్పకుండా పలు రకాల జాగ్రత్తలు పాటించాలి. ఈ తిరోగమనం కారణంగా ఆర్థిక సమస్యలు వచ్చే అవకాశాలున్నాయి. కాబట్టి ఆర్థిక లావాదేవీలపై ప్రత్యేక శ్రద్ధ తీసుకోవాలి.

2024లో ఆగస్టు 4 నుంచి 27 వరకు సింహ రాశిలో బుధుడు తిరోగమన దశలో ఉండబోతున్నాడు. దీని కారణంగా ఈ సింహ రాశి వారు ప్రేమ జీవితంలో సమస్యలను ఎదుర్కొనే అవకాశాలు ఉన్నాయి. కాబట్టి ఇలాంటి విషయాలను దృష్టిలో పెట్టుకొని మాటలతో పరిష్కరించుకోవడం చాలా మేలని జ్యోతిష్య శాస్త్ర నిపుణులు చెబుతున్నారు.

బుధుడు నవంబర్ 25 నుంచి డిసెంబర్ 25 వరకు ధనస్సు రాశిలో తిరోగమన దశలో ఉండబోతున్నట్లు జ్యోతిష్య శాస్త్ర నిపుణులు చెబుతున్నారు. దీని కారణంగా ధనస్సు వారికి చిన్న చిన్న సమస్యలు వచ్చే అవకాశాలు ఉన్నాయి. ముఖ్యంగా పనుల్లో ఆటంకాలు ఎదురవడం, చిన్నచిన్న అనారోగ్య సమస్యలు వస్తూ ఉంటాయి.