Sreeleela: శ్రీలీలకు ఆ విధంగా కలిసొచ్చింది.. లక్కంటే కిస్సిక్ పాపదే..

శ్రీలీలకు వరుస ఆఫర్స్ వస్తోన్న సరైన సక్సెస్ మాత్రం రావడం లేదు. గతేడాది ఈ భామ మహేష్ బాబు సరసన నటించిన ‘గుంటూరు కారం’ మూవీతో పలకరించినా.. పెద్దగా ప్రయోజనం దక్కలేదు. కానీ ఈ సినిమాలో ‘కుర్చీ మడతపెట్టి’ సాంగ్ లో అదరిపోయే స్టెప్పులతో అలరించింది. ఈ పాట 2024లో ప్రపంచ వ్యాప్తంగా ఎక్కువ మంది యూట్యూబ్ లో  వీక్షించిన సాంగ్ గా రికార్డులకు ఎక్కింది.

2024 యేడాది చివర్లో మాత్రం అల్లు అర్జున్ హీరోగా సుకుమార్ దర్శకత్వంలో తెరకెక్కిన ‘పుష్ప 2’లో కిస్సిక్ అనే ఐటెం సాంగ్ తో ప్యాన్ ఇండియా లెవల్లో ఫేమస్ అయింది.  కెరీర్ లో తొలిసారి పుష్ప 2లో ఐటెం సాంగ్ చేసింది.  స్వతహాగా మంచి డాన్సర్ అయిన శ్రీలీలకు 2024లో తన  సాంగ్స్ తో పాపులారిటీ సంపాదించుకుంది.

ఈ యేడాది శ్రీలీల ‘రాబిన్ హుడ్’తో పాటు   పవన్ కళ్యాణ్ తో చేస్తోన్న ‘ఉస్తాద్ భగత్ సింగ్’ మూవీతో పాటు..రవితేజతో చేస్తోన్న సినిమాలపై శ్రీలీల భారీగా ఆశలు పెట్టుకుంది.

శ్రీలీల విషయానికొస్తే..  దర్శకేంద్రుడు కే.రాఘవేంద్రరావు దర్శకత్వ పర్యవేక్షణలో వచ్చిన 'పెళ్లిసందD'  తెలుగులో అడుగుపెట్టింది.  ఫస్ట్ సినిమాతోనే  తన యాక్టింగ్, డాన్సింగ్ స్కిల్స్‌తో ఇక్కడ ప్రేక్షకులను మెప్పించింది.

శ్రీలీల.. హీరోయిన్‌గా నటించిన ఫస్ట్ తెలుగు మూవీతోనే ఓవర్ నైట్ పాపులర్ అయింది. ప్రస్తుతం తెలుగులో వరుస ఛాన్సులతో  క్రేజీ భామగా  ప్రత్యేక గుర్తింపు తెచ్చుకుంది.

తక్కువ సమయంలోనే అగ్ర హీరోల సరసన నటించే ఛాన్స్ కొట్టేసింది శ్రీలీల. ప్రస్తుతం సినిమాలతో పాటు MBBS చేస్తోంది. ఈ యేడాది ఈమె డాక్టర్ చదవు కంప్లీటయ్యే అవకాశాలున్నాయి.స్వతహాగా తెలుగు భామ అయిన ఆమె బెంగళూరులో పుట్టి పెరిగింది. అక్కడ కన్నడలో వచ్చిన 'కిస్' మూవీతో హీరోయిన్‌గా పరిచయమైంది.