Tirumala: న్యూ ఇయర్ వేళ శ్రీవారి భక్తులకు వరుస శుభవార్తలు.. మరో కీలక నిర్ణయం తీసుకున్న టీటీడీ..

తిరుమల శ్రీవారికి ప్రపంచ వ్యాప్తంగా భక్తులు ఉన్నారని చెప్పవచ్చు.  శ్రీవారి దర్శనం కోసం ఎంత ఆపసోపాలైన భక్తులు పడుతుంటారు. అదే విధంగా తనివీ తీరా తిరుమల వెంకటేశ్వర స్వామి దర్శనం కోసం ఆరాట పడుతుంటారు.  

ఇదిలా ఉండగా.. ఇటీవల తిరుమలో వైకుంఠ ఏకాదశి వేళ ప్రత్యేకమైన ఏర్పాట్లు చేస్తున్నారు. అదే విధంగా టీటీడీ, చంద్రబాబు సర్కారు కూడా సామాన్య భక్తులు ప్రయారిటీ చర్యలు చేపట్టారు. 

ఇదిలా ఉండగా.. తిరుమలలో.. టీటీడీ ఎస్వీ అన్నప్రసాదం ట్రస్టు ఒక్క రోజు అన్నప్రసాద విరాళ పథకం ప్రారంభించిన విషయం తెలిసిందే. అన్నిదానాల్లో కన్నా కూడా అన్నదానం గొప్పదని చెప్తుంటారు.  

టీటీడీ నిత్యం 3 లక్షల మందికి అన్న ప్రసాదం అందిస్తోన్నట్లు సమాచారం.మాతృశ్రీ తరిగొండ వెంగమాంబ అన్నప్రసాద కాంప్లెక్స్,తిరుపతిలోని శ్రీ గోవింద‌రాజ‌స్వామివారి ఆల‌యం,తిరుచానూరులో భక్తులకు అన్నప్రసాద వితరణ చేస్తున్నారు.   

అదే విధంగా.. మెటర్నిటీ ఆస్పత్రి, బర్డ్, స్విమ్స్, తిరుచానురు, ఎస్వీ ఆయుర్వేద ఆస్పత్రిలో కూడా.. భక్తులకు అన్నదానం కార్యక్రమం చేస్తున్నారు.దీనితో పాటు పలు చోట్ల కాఫీలు, టీలు కూడా వితరణ చేస్తున్నారు.  

 అయితే ఒక రోజు పూర్తిగా అన్నప్రసాద వితరణ చేయాలనుకునే భక్తులు రూ.43 లక్షలు వరకు చెల్లించాల్సి ఉంటుందని సమాచారం.. టిఫిన్ ల కోసం 9 లక్షల రూపాయలు అందించాల్సి ఉంటుంది. మధ్యాహ్నం భోజనం కోసం రూ.15లక్షలు, రాత్రి భోజనం కోసం రూ.16 లక్షలు చెల్లించాల్సి ఉంటుందని తెలుస్తొంది. తాజాగా.. ఈ దాతలు స్వయంగా భక్తులకు అన్నప్రసాదాలను వడ్డించే అవకాశం కూడా టీటీడీ తాజాగా కల్పించి నట్లు తెలుస్తొంది.