YouTube: రూ.8 లక్షలు ధారపోసినా యూట్యూబ్‌తో రూపాయి రాలే.. ఛానల్‌ ఎత్తేసిన యువతి
జీవితంలో భాగం: ఈ కాలంలో ప్రతి ఒక్కరూ యూట్యూబ్‌ చూస్తున్నవాళ్లే. యూట్యూబ్‌ వాడకం లేనివాళ్లు అంటూ లేరు. అంతలా యూట్యూబ్‌ మానవ జీవితంలో భాగమైంది.
వృత్తిగా యూట్యూబ్‌: చూసేవాళ్లతోపాటు అందులో కంటెంట్‌ ఇచ్చేవాళ్లు భారీగా ఉంటున్నారు. యూట్యూబ్‌ కంటెంట్‌ అనేది వృత్తిగా మారింది.
భారీగా పెట్టుబడి: యూట్యూబ్‌ను జీవితంగా చేసుకోవాలని ఉత్తర భారతదేశానికి చెందిన నళిని ఉనాగర్‌ అనే యువతి భారీగా పెట్టుబడులు పెట్టింది.
భారీగా కొనుగోలు: యూట్యూబ్‌ వీడియోలు చేసేందుకు నళిని రూ.8 లక్షలు పెట్టుబడిగా పెట్టింది. భారీ స్థాయిలో కిచెన్‌ సెట్టింగ్‌, కెమెరా, ఎడిటింగ్‌ పరికరాలు కొనుగోలు చేసింది.
ఛానల్స్‌ ప్రారంభం: అన్ని పరికరాలు కొన్న అనంతరం ఫుడ్‌ ఫ్యాక్ట్స్‌ బై నళిని, నళినిస్‌ కిచెన్‌ రిసిపీస్‌ అంటూ రెండూ యూట్యూబ్‌ ఛానల్స్‌ తెరిచింది.
వంటకాల వీడియోలు: కొత్త కొత్త వంటకాలు తయారు చేస్తూ ఆ వీడియోలను యూట్యూబ్‌ ఛానల్స్‌లో అప్‌లోడ్‌ చేస్తున్నారు. ఇలా మూడేళ్లు కష్టపడింది.
కానరాని స్పందన: కంటెంట్‌ భారీగా వస్తున్నా నెటిజన్ల నుంచి స్పందన చాలా తక్కువగా ఉంది. మూడేళ్లు గడిచినా 15 వేల మంది సబ్‌స్క్రైబర్లు రాలేకపోయారు.
రూపాయి రాలేదు: నెటిజన్ల నుంచి స్పందన రాకపోవడంతోపాటు యూట్యూబ్‌ నుంచి రూపాయి ఆదాయం రాలేదు. దీంతో నళినికి చిర్రెత్తుకొచ్చింది.
భారీగా నష్టం: భారీగా యూట్యూబ్‌పై పెట్టుబడి పెట్టి నష్టపోయానని.. తన కెరీర్‌ పోయిందని 'ఎక్స్‌' వేదికగా నళిని ఉనగర్‌ వాపోయింది. ఆమె చేసిన పోస్టు వైరల్‌గా మారింది. యూట్యూబ్‌తో తాను ఎదుర్కొన్న కష్టాలను సామాజిక మాధ్యమాల్లో పంచుకోగా దీనికి భారీగా స్పందన లభించింది.
వీడియోలు డిలీట్‌: యూట్యూబ్‌లో అప్‌లోడ్‌ చేసిన 250 వీడియోల కంటెంట్‌ డిలీట్‌ చేశానని.. ఇకపై వీడియోలు చేయనని సంచలన ప్రకటన చేసింది. భారీగా ఖర్చు చేసి కొన్న వంట గది పరికరాలు, స్టూడియో పరికరాలు వంటివి అమ్ముతున్నట్లు ప్రకటించింది.