Cow Kicks Man: నోరు లేని జీవిపై ప్రతాపం చూపించాడు.. తిరిగి కుళ్లబోడిచింది నా సామి రంగ..

Cow Kicks Man: మనం పెంచుకునే పెంపుడు జంతువులను ఎంత ప్రేమగా చూసుకుంటే అవి మనతో అంత ప్రేమగా నడుచుకుంటాయి. వాటితో మన ప్రవర్తన తేడా వచ్చిందో.. ఇక వాటి రియాక్షన్ శివ తాండవం ఆడినట్టే ఉంటుంది. మరీ ముఖ్యంగా గోవుల విషయంలో ఇది నూరు శాతం నిజం అని చాటి చెప్పే ఘటనలు గతంలో ఎన్నో చూశాం. అందుకే పెంపుడు జంతువులను నోరు లేని జీవులే కదా.. ఏం చేసినా అలా పడుంటాయిలే అని లైట్ తీసుకోవద్దు. అలా లైట్ తీసుకుని తిక్క వేషాలేస్తే.. ఇదిగో అవి కూడా పడేసి తన్ని, కుళ్లబొడిచి, సీన్ సితారయ్యేలా చేస్తాయి. అందుకు నిదర్శనమే ఇదిగో ఈ వీడియో.

భారతీయ సంస్కృతి, సంప్రదాయాల్లో గోమాతకు ఒక ప్రత్యేకమైన స్థానం ఉంది. గోమాతను అత్యంత పవిత్రంగా భావించి పూజించడం హిందూ ధర్మంలో ఒక భాగం. గోమాతను పూజిస్తే.. సకల శుభాలు కలుగుతాయనేది హిందువుల బలమైన విశ్వాసం. అలాంటి గోమాతతో తిక్క వేషాలు వేయబోయాడు ఈ వీడియోలో మనం చూస్తున్న యువకుడు. గోమాతను హింసించాడు. తన్నాడు.. తోకను మెలిపెట్టి నరకం చూపించాడు. దీంతో నొప్పిని తట్టుకోలేకపోయిన గోమాతకు కోపం కట్టలు తెంచుకుంది.    

అమ్మకు కోపం వస్తే ఏం జరుగుతుందో తెలిసిందే కదా.. తప్పుచేసిన వాళ్లకు తగిన రీతిలో బుద్ధి చెప్పే వరకు అమ్మ ఊరుకోదు కదా.. ఇక్కడ యువకుడి విషయంలో కూడా అదే జరిగింది. తనను హింసించిన యువకుడిపైకి తిరగబడి చుక్కలు చూపించింది ఆ గోమాత. ఒక మనిషికి కోపం వస్తే.. తిరగబడి తనని హింసించిన వారిని ఎలాగైతే కొడతారో.. అచ్చం అలాగే ఆ యువకుడిపైకి రంకలేస్తూ గాల్లోకి ఎగరేసి ఎత్తిపడేసింది. ఊహించని పరిణామానికి షాకైన యువకుడికి తిరిగి తప్పించుకునే అవకాశం కూడా లేకపోయింది. కళ్లు మూసి తెరిచే లోపే పైకి ఎత్తిపడేసింది. అంతటితో ఊరుకోకుండా కుళ్లబొడిచింది. అక్కడికి కోపం చల్లారకపోవడంతో కాళ్ల కింద వేసి తొక్కింది.  

అప్పటివరకు చోద్యం చూసిన వాళ్లంతా అక్కడి నుంచి పరుగు అందుకున్నారు. గోమాతకు ఆగ్రహం తెప్పిస్తే రియాక్షన్ ఇలా ఉంటుందా అని ఆశ్చర్యపోయారు. ఘర్ కే కలేష్ అనే ట్విటర్ హ్యాండిల్ పేరిట ఓ ట్విటర్ యూజర్ పోస్ట్ చేసిన ఈ వీడియో సోషల్ మీడియాలో వైరల్ అవుతోంది. ఏదేమైనా ఒక సాధు జంతువును సాధు జంతువు లాగే చూడాలి కానీ దాన్ని కెళక్కూడదని నిరూపించింది ఈ గోమాత. ఆవుపై మొసలి దాడి విషయంలో ఆవు తిరగబడినట్టే.. గోమాత కూడా యువకుడిపై తిరగబడి అతడి చేతిలో నుంచి తప్పించుకోవడమే కాకుండా అతడికి తగినశాస్త్రి చేసింది. మంచి సందేశం ఇచ్చిన ఈ వీడియో మీకు నచ్చినట్టయితే.. మీ స్నేహితులతో షేర్ చేసి ఇదే సందేశాన్ని వారితో కూడా పంచుకోండి. అందుకు మీరు చేయాల్సిందల్లా వాట్సాప్ బటన్‌పై క్లిక్ చేసి ఈ ఆర్టికల్ లింకుని వాట్సాప్ లో మీకు నచ్చిన వారికి షేర్ చేయడమే. మరో ఇంట్రెస్టింగ్, వైరల్ వీడియోతో ( Viral Video ) మళ్లీ కలుద్దాం.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.