Viral Video: పెళ్లిలో వరుడి చెంప చెడామడా వాయించేసిన వధువు... వైరల్ అవుతోన్న వీడియో...

Viral Video of Bride Slaps Groom : సోషల్ మీడియాలో ఓ పెళ్లి వీడియో వైరల్‌గా మారింది. స్టేజీపై దండలు మార్చుకునే సమయంలో ఓ వధువు వరుడి చెంప చెల్లుమనిపించింది. ఏకంగా మూడు సార్లు అందరి ముందు అతని చెంపపై లాగి కొట్టింది. ఆపై స్టేజీ దిగి వెళ్లిపోయింది. వధువు చేసిన పనికి పెళ్లి కొడుకు బిత్తరపోగా... పెళ్లికి వచ్చిన అతిథులంతా నోరెళ్లబెట్టారు. ఈ ఘటన ఉత్తరప్రదేశ్‌లోని హమీర్‌పూర్‌లో చోటు చేసుకుంది.

వివరాల్లోకి వెళ్తే.. జలౌన్ జిల్లా చమారీ గ్రామానికి చెందిన రీనా అనే యువతికి, హమీర్‌పూర్‌కి చెందిన రవికాంత్ అహిర్వార్ అనే యువకుడికి ఇటీవల పెళ్లి జరిగింది. పెళ్లి వేడుకలో భాగంగా జయమాల వేడుక నిర్వహించారు. ఈ సందర్భంగా స్టేజీపై వధూవరులు దండలు మార్చుకునే సమయంలో వరుడికి వధువు ఊహించని షాకిచ్చింది. వరుడు తన మెడలో దండ వేయబోతుండగా వధువు అతని చెంప చెల్లుమనిపించింది. వరుసగా మూడు, నాలుగుసార్లు అతని చెంప చెడామడా వాయించేసింది.

ఆపై కోపంతో స్టేజీ దిగి వెళ్లిపోయింది. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. పెళ్లి కొడుకు తాగి ఉన్నందుకే వధువు అతన్ని చెంప దెబ్బ కొట్టిందని చెబుతున్నారు. పెళ్లి ఇష్టం లేక వధువు అలా చేసిందనే ప్రచారం కూడా జరుగుతోంది. అయితే ఆ గొడవ తర్వాత వధువుకు ఆమె కుటుంబ సభ్యులు నచ్చజెప్పడంతో పెళ్లి తంతు పూర్తయినట్లు తెలుస్తోంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe