Norway Dance Video: బాలీవుడ్ పాటకు నార్వే కుర్రోళ్ల డ్యాన్స్, ఫిదా అయిపోయిన అక్షయ్, శిల్పాశెట్టి

Norway Dance Video: బాలీవుడ్ పాటలే కాదు ఆ పాటలకు విదేశీయులు స్టెప్పులేయడం కూడా తరచూ చూస్తుంటాం. అటువంటిదే ఓ వీడియో వైరల్ అవుతోంది. అక్షయ్ కుమార్ సినిమా పాటకు ఆ విదేశీయులేసిన స్టెప్పులు అందర్నీ ఆకట్టుకుంటున్నాయి.

సోషల్ మీడియాలో తరచూ కొత్త కొత్త వీడియోలు వస్తుంటాయి. అందులో కొన్ని వైరల్ అవుతుంటాయి. స్వదేశీ డ్యాన్స్ లేదా పాటల వీడియోలు లేదా విదేశీ డ్యాన్స్ వీడియోలు బాగా వైరల్ అవుతుంటాయి. అదే విధంగా బాలీవుడ్ పాటలకు విదేశీయులు డ్యాన్స్ వేసే వీడియోలు కూడా సోషల్ మీడియాలో బాగా స్ప్రెడ్ అవుతుంటాయి. అటువంటిదే ఓ వీడియో ఇప్పుడు వెలుగులోకి వచ్చింది. నార్వేకు చెందిన డ్యాన్స్ గ్రూప్ వీడియో ఒకటి..అందర్నీ ఆకట్టుకుంటోంది. 

బాలీవుడ్ నటుడు అక్షయ్ కుమార్ సినిమాలోని చురాకే దిల్ మేరా..గోరియా చలీ..పాటకు విదేశీ యువకులు లయబద్ధంగా వేసిన డ్యాన్స్ చూసి స్వయంగా అక్షయ్ కుమార్, శిల్పా శెట్టిలు ఫిదా అయిపోయారు. వైరల్ అవుతున్న ఈ వీడియోలో నార్వేకు చెందిన ఓ డ్యాన్స్ గ్రూప్ ఓ పెళ్లికి హాజరైంది. బ్యాక్‌గ్రౌండ్‌లో అక్షయ్ కుమార్ సినిమాలోని చురా కే దిల్ మేరా గోరియా చలీ పాట ప్లే అవుతోంది. అంతే ఇంకేముంది..ఆ గ్రూప్ స్టేజ్‌పైకి చేరుకుంది. ఒకరిని మించి మరొకరు వేసిన డ్యాన్స్ స్టెప్పులతో అందరూ అలా చూస్తుండిపోయారు. క్రమబద్ధంగా అద్భుతంగా వేసిన ఆ డ్యాన్స్ వీడియో ఇప్పుడు బాగా వైరల్ అవుతోంది. సోషల్ మీడియాలోని అన్ని వేదికలపై ప్లే అవుతోంది.

ఈ వీడియోలో అబ్బాయిలు వేసిన డ్యాన్స్ స్టెప్పులు విభిన్నంగా ఉన్నా పాటకు తగ్గట్టుగా ఉన్నాయి. పాటలోని ప్రతి వాక్యానికి అద్భుతమైన కొరియోగ్రఫీ కన్పించింది. ఇలాంటి డ్యాన్స్ మూమెంట్ మనసు దోచేస్తుందని అక్షయ్ కుమార్ ప్రశంసించాడు. నిజంగానే నా మనస్సు దోచేసిందని కీర్తించాడు. మీరంతా నా మనస్సు నిజంగానే దోచుకున్నారంటూ శిల్పాశెట్టి కామెంట్ చేసింది. 

Android Link - https://bit.ly/3hDyh4G

Apple Link - https://apple.co/3loQYe