Cheetah Hunting Its Prey: చిరుతపులి వేటాడే సీన్ చూస్తే గూస్‌బంప్స్ రావడం పక్కా

Cheetah Hunting Its Prey: చిరుత పులి వేగంగా పరుగెత్తడం ఎప్పుడైనా చూశారా ? మరీ ముఖ్యంగా చిరుత పులి ఏదైనా జంతువును వేటాడుతున్నప్పుడు దాని వేగం ఏ రేంజులో ఉంటుందో గమనించారా ?  నేషనల్ జాగ్రఫిక్ ఛానెల్ వీడియోల్లోనో లేక యూట్యూబ్ వీడియోల్లోనో చూసే ఉంటారు కానీ అవేవీ కూడా ఇప్పుడు మీరు చూడబోయే ఈ వీడియోకు సాటిరావు. తుపాకీలోంచి బయటికొచ్చిన బుల్లెట్‌లా ఆహారాన్ని వేటాడుతూ స్పీడ్‌గా దూసుకెళ్తున్న చిరుత పులి.. అంత హై స్పీడ్‌లోనూ తన ముందున్న జంతువును దాటేసి సడెన్ బ్రేకేసినట్టుగా ఆగిపోయిన తీరు అద్భుతం అనిపించకమానదు. 

తను వేటాడుతున్న జంతువును దాటేసి.. తన చేతుల్లోకే ఆ జంతువు వచ్చేలా ఎదురునిలబడి.. ఆ జంతువు తప్పించుకోకుండా ఒడిసి పట్టుకున్న తీరు చూస్తే.. ఎవ్వరికైనా గూస్ బంప్స్ రాకమానవు. చిరుతపులి వేటాడే తీరు చూసి నెటిజెన్స్ ఔరా అని ముక్కున వేలేసుకుంటున్నారు. ఒక్కసారి చూస్తే తనివి తీరనట్టుగా ఉన్న ఈ వైరల్ వీడియోను నెటిజెన్స్ మళ్లీ మళ్లీ వీక్షిస్తున్నారు. 

చిరుతపులి కేవలం 3 సెకన్ల వ్యవధిలోనే గంటకు 100 కిమీ వేగం పరుగెత్తగలదు. అలా వేగంగా పరుగెత్తే క్రమంలో చిరుతపులి ఒక్కో అడుగు 7 నుంచి 8 మీటర్ల దూరం వేస్తుంది. ఈ వీడియో చూస్తోంటే దట్టమైన అడవిలో షూట్ చేశారని అనిపిస్తోంది కానీ.. ఏ అడవిలో షూట్ చేశారు, ఎప్పుడు చిత్రీకరించారు అనే వివరాలు అందుబాటులో లేవు. ఈ వైరల్ వీడియోకు సోషల్ మీడియాలో భారీ రెస్పాన్స్ కనిపిస్తోంది. ట్విటర్ లో పోస్ట్ అయిన తరువాత ఒక్క రోజులోనే 2.43 లక్షల వ్యూస్ రాగా 3000 లకు పైగా రిట్వీట్స్ వచ్చాయి.

ఇది కూడా చదవండి : Muslim Couple Married in Temple: దేవాలయంలో ముస్లిం జంట పెళ్లి.. ఫోటోలు, వీడియోలు వైరల్

ఇది కూడా చదవండి : Friendship Viral Video: ఇలాంటి ఫ్రెండ్స్ ఉంటే ఆ లెవెలే వేరు కదా.. వైరల్ వీడియో

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.