Trending Video: కోర్టులోకి దూసుకొచ్చిన అడవి ఏనుగు.. భయభ్రాంతులకు గురైన లాయర్లు.. వైరల్ అవుతున్న వీడియో..

Wild Elephant enters in Court: ఈ మధ్య కాలంలో అడవుల్లో ఉండాల్సిన జంతువులు జనావాసాల్లోకి వచ్చేస్తున్నాయి. దీనికి కారణం మనిషి ఇష్టారీతిన అడవులను నరికి వేయడం లేదా వాటిని ఆక్రమించుకోవడం.  ఎక్కువగా పులులు, ఏనుగులు  జనావాసాల్లోకి వచ్చి పశువులపై, మనుషులపై దాడులకు పాల్పడుతున్నాయి. తాజాగా ఓ ఏనుగు ఏకంగా కోర్టులోకి ప్రవేశించి బీభత్సం సృష్టించింది. తాజాగా దీనికి సంబంధించిన వీడియో నెట్టింట విపరీతంగా వైరల్ అవుతోంది. 

టైగర్ రిజర్వులు, వన్యప్రాణి సంరక్షణ కేంద్రాలు, నేషనల్ పార్కులు దగ్గరగా ఉండే గ్రామాల ప్రజలు నిత్యం భయభయంగా గడుపుతారు. ఎందుకంటే ఏ జంతువు ఎప్పుడు దాడి చేస్తుందోనని భయం. జంతువులు జనావాసాల్లోకి రాకుండా అధికారులు ఎన్ని చర్యలు తీసుకున్నా ఏదో విధంగా తప్పించుకుంటూ గ్రామాల్లోకి వచ్చేస్తున్నాయి యానిమల్స్. తాజాగా ఓ అడవి ఏనుగు ఏకంగా కోర్టులోకి వచ్చేసింది. కోర్టు గేట్ల‌ను తోసేసి, ప్రాంగ‌ణంలోకి ప్రవేశించి బీభత్సం సృష్టించింది. దీంతో అక్కడున్న కోర్టు సిబ్బంది, లాయర్లు భయాభ్రాంతులకు గురయ్యారు. ఈ ఘటన  ఉత్త‌రాఖండ్‌లోని హ‌రిద్వార్‌ రోషనాబాద్ లోని జిల్లా సెషన్స్ కోర్టులో చోటుచేసుకుంది. 

ఈ అడవి ఏనుగు రాజాజీ టైగర్ రిజర్వ్ నుంచి తప్పించుకుని జిల్లా మేజిస్ట్రేట్ కార్యాలయంలోకి ప్రవేశించినట్లు ఫారెస్ట్ అధికారులు తెలిపారు. సమాచారం అందుకున్న అటవీ శాఖ సిబ్బంది కోర్టుకు వచ్చి ఏనుగును అడవిలోకి తరలించారు. ఈ సంఘటకు సంబంధించిన దృశ్యాలు ప్రస్తుతం ఇంటర్నెట్ ను షేక్ చేస్తున్నాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.