Devshayani Ekadashi 2022: దేవశయని ఏకాదశి ఎప్పుడు? దీని ప్రాముఖ్యత ఏంటి?

Devshayani Ekadashi 2022:  ఆషాఢ మాసంలోని శుక్ల పక్షంలోని ఏకాదశి తిథి నాడు దేవశయని ఏకాదశి వ్రతం పాటిస్తారు. దేవశయని ఏకాదశి అంటే దేవతలు నిద్రించే ఏకాదశి. అంటే ఈ రోజు నుండి విష్ణువుతో సహా దేవతలందరూ యోగా నిద్రలోకి వెళతారు, అయితే శివుని కుటుంబం మేల్కొని ఉంటుంది. దేవశయని ఏకాదశి నుండి చాతుర్మాస్ ప్రారంభమవుతుంది. ఇది నాలుగు నెలలుపాటు ఉంటుంది. ఇందులో ఎలాంటి పూజలు, శుభకార్యాలు జరగవు.  దేవశయని ఏకాదశి ఎప్పుడు, పూజ ముహూర్తం మరియు పారణ సమయం గురించి తెలుసుకుందాం. 

దేవశయని ఏకాదశి 2022 తేదీ
పంచాంగం ప్రకారం, ఆషాఢ మాసంలోని శుక్ల పక్ష ఏకాదశి తేదీ శనివారం, జూలై 09, సాయంత్రం 04:39 గంటలకు ప్రారంభమై... జూలై 10, ఆదివారం మధ్యాహ్నం 02.13 గంటల వరకు ఉంటుంది. ఉదయతిథిని దృష్టిలో ఉంచుకుని, దేవశయని ఏకాదశి వ్రతం జూలై 10న ఉంటుంది. 

దేవశయని ఏకాదశి 2022 ముహూర్తం
దేవశయని ఏకాదశి రోజున మూడు యోగాలు ఏర్పడుతున్నాయి. ఈ రోజున రవియోగం, శుభ యోగం, శుక్ల యోగం ఏర్పడుతున్నాయి. శుభ యోగం ఉదయం నుండి అర్ధరాత్రి 12:45 వరకు ఉంటుంది. ఆ తర్వాత శుక్ల యోగం ప్రారంభమవుతుంది. దేవశయని ఏకాదశి నాడు ఉదయం 05:31 నుండి రవియోగం ప్రారంభమై ఉదయం 09:55 వరకు కొనసాగుతుంది. ఈ యోగాలన్నీ శుభ కార్యాలకు శుభప్రదం. 

దేవశయని ఏకాదశి 2022 పారణ
జూలై 10న దేవశయని ఏకాదశి వ్రతం పాటించేవారు మరుసటి రోజు జూలై 11వ తేదీ సోమవారం ఉదయం 05.31 నుండి 08.17 వరకు పారణ చేయవచ్చు. ఈ రోజు ద్వాదశి తిథి ఉదయం 11.13 గంటలకు ముగుస్తుంది. 

దేవశయని ఏకాదశి ప్రాముఖ్యత
దేవశయని ఏకాదశి నుండి శ్రీమహావిష్ణువు యోగా నిద్రలోకి వెళ్తాడు. శివుడు నాలుగు నెలల పాటు విశ్వాన్ని నడిపిస్తాడు. పెళ్లి, నిశ్చితార్థం, షేవింగ్ వంటి మాంగ్లిక్ పనులు ఈ నాలుగు నెలల్లో జరగవు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe