Jyeshta Masam 2023: జూన్ 4 వరకు శుక్లపక్షం.. వీటిని దానం చేస్తే జీవితంలో ఆర్థిక సమస్యలు ఉండవు!

Jyeshta Masam 2023: హిందూ సాంప్రదాయంలో జేష్ఠ మాసానికి ప్రత్యేక ప్రాముఖ్యత ఉంది. ఇది వేసవికాలం మధ్యలో వస్తుంది. ఈ క్రమంలో వేడి తీవ్రత అధికంగా ఉంటుంది. జ్యేష్ట మాసంలోని శుక్లపక్షం జూన్ 4 వరకు ఉంటుంది. అయితే ఈ క్రమంలో హిందూ సాంప్రదాయం ప్రకారం వస్తువులను దానం చేయడం వల్ల మంచి ప్రయోజనాలు పొందవచ్చని జ్యోతిష్య శాస్త్రా నిపుణులు చెబుతున్నారు. ఇలా దానం చేయడం వల్ల లాభాలు కలగడమే కాకుండా లక్ష్మీదేవి అనుగ్రహం కూడా లభిస్తుందని వారంటున్నారు. ఏ ఏయే వస్తువులను దానం చేయడం వల్ల లక్ష్మీదేవి అనుగ్రహం లభిస్తుందో మనం ఇప్పుడు తెలుసుకుందాం.

వీటిని దానం చేయండి:

• జ్యేష్ఠ మాసంలో తీవ్రమైన వడగాలులు వీస్తాయి. కాబట్టి కష్టపడి పనిచేసే వారికి చల్లని నీటిని గాని.. నిమ్మకాయతో తయారుచేసిన షర్బత్ ను కానీ దానం చేయడం వల్ల లక్ష్మీదేవి అనుగ్రహం లభిస్తుంది.

• ఈ మాసంలో జంతువులకు, పక్షులకు నీటిని ఆహారాన్ని అందించడం చాలా శుభ ప్రదమని జ్యోతిష్య శాస్త్ర నిపుణులు చెబుతున్నారు. ఇలా చేయడం వల్ల ఆర్థిక సమస్యలు తొలగిపోవడమే కాకుండా జీవితంలో సుఖసంతోషాలు కలుగుతాయి.

• జ్యేష్ఠ మాసంలో చల్లటి వస్తువులను దానం చేయడం చాలా శుభప్రదంగా భావిస్తారు. పేదలకు దోసకాయలు కానీ ఇతర ఆహార పదార్థాలను దానం చేయడం చాలా మంచిది. 

• జ్యేష్ఠ మాసంలోని శుక్ల పక్షంలో 15 రోజుల పాటు పక్షులకు, జంతువులకు నీరు అందించడం వల్ల భవిష్యత్తులో మంచి ప్రయోజకులవుతారు. 

• ఈ మాసంలో మొక్కలు ఎండిపోకుండా నీరు పెట్టడం కూడా చాలా శుభప్రదమని జ్యోతిష్య శాస్త్రా నిపుణులు చెబుతున్నారు. ఇలా చేయడం వల్ల మానసిక సమస్యలు దూరమవుతాయి.

• జ్యేష్ఠ మాసంలోని ప్రతి మంగళవారం రోజున బెల్లం, గొడుగు, చెప్పులు దానం చేయడం వల్ల లక్ష్మీదేవి అనుగ్రహం లభిస్తుంది. అంతేకాకుండా ఆర్థిక సమస్యలు కూడా సులభంగా దూరమవుతాయి.

 స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.