Mahashivratri 2023: మహాశివరాత్రి నుండి ఈ రాశులకు మంచి రోజులు.. ఇందులో మీరున్నారా?

Mahashivratri 2023: హిందూ క్యాలెండర్ ప్రకారం, మాఘ మాసంలో వచ్చే శివరాత్రినే మహాశివరాత్రి అంటాం. ఇది శీతాకాలం చివరిలో, వేసవి కాలం ప్రారంభానికి ముందు వస్తుంది. ఈ పవిత్రమైన పర్వదినం ఈరోజు అంటే ఫిబ్రవరి 18న వచ్చింది. ఈరోజున మహాదేవుడిని పూజిస్తే మీరు అనుకున్న పనులన్నీ జరుగుతాయి. గ్రహాల సంచారం పరంగా కూడా ఈరోజు చాలా మంచిది. ఈ పండుగకు ముందే ముఖ్యమైన గ్రహాలైన సూర్యుడు, శుక్రుడు స్థానాల్లో మార్పు వచ్చింది. మహాశివరాత్రికి ముందు ఈ గ్రహాల సంచారం ఐదు రాశులవారికి శుభప్రదంగా ఉండనుంది. ఆ లక్కీ రాశులేంటో ఓ లుక్కేద్దాం. 

కన్య: మహాశివరాత్రి కన్యారాశి వారికి సంపద పెరిగేలా చేస్తుంది. ఉద్యోగ, వ్యాపారాల్లో భారీగా ధనాన్ని ఇస్తుంది. మీరు ఎందులోనైనా పెట్టుబడి పెట్టాలనుకుంటే ఇదే మంచి సమయం. కొత్త పెళ్లైన వారికి ఈ సమయం బాగుంటుంది. వాయిదా వేసిన పనులన్నింటినీ ఇప్పుడు పూర్తిచేస్తారు. 
ధనుస్సు: మహాశివరాత్రితో ధనుస్సు రాశికి మంచి రోజులు ప్రారంభమవుతాయి. అప్పుల నుండి బయటపడతారు. వ్యాపారంలో పెట్టుబడి పెట్టడానికి ఇది మంచి సమయం. ఆదాయం రెట్టింపు అవుతుంది. బిజినెస్ భారీగా లాభాలను ఇస్తుంది. మీ పనికి ప్రశంసలు దక్కుతాయి. 
మిథునం: మిథున రాశి వారికి మహాశివరాత్రి నాడు మంచి ఫలితాలను ఇస్తుంది. వీరు ఆర్థికంగా లాభపడతారు. వ్యాపారులకు అదృష్టం కలిసి వచ్చి మునుపెన్నడూ చూడని లాభాలను చూస్తారు. మీలో ధైర్యం పెరుగుతుంది. సమాజంలో గౌరవం పెరుగుతుంది.

సింహం: ఈ రాశి వారికి ఉద్యోగ, వ్యాపారాలలో పురోగతి ఉంటుంది. జాబ్ విషయంలో మీ చింతలన్నీ తొలగిపోతాయి. మీరు ఇంక్రిమెంట్ లేదా ప్రమోషన్ పొందే అవకాశం ఉంది. విద్యార్థులు చదువులో రాణిస్తారు. ప్రభుత్వ ఉద్యోగాలకు ప్రిపేర్ అయ్యే అభ్యర్థులు సక్సెస్ అవుతారు. 
కుంభం: మహాశివరాత్రి పర్వదినం కుంభరాశి వారి అదృష్టాన్ని ప్రకాశవంతం చేస్తుంది. ఈరోజు మీరు ఏపని తలపెట్టినా దానిని విజయవంతంగా పూర్తిచేస్తారు. మీకు ఆకస్మిక ధనలాభం కలుగుతుంది. డబ్బును ఆదా చేస్తారు. నిరుద్యోగులకు జాబ్ వచ్చే అవకాశం ఉంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.