Navratri Day 8: నవరాత్రుల్లో 8 రోజు సర్వార్థ సిద్ధి యోగం, రవియోగాలు..ఇలా మహా గౌరీని పూజిస్తే జీవితాంతం లాభాలే లాభాలు..

Navratri Day 8 Mahagauri Devi: ఈరోజు నవరాత్రుల్లో 8వ రోజు..జ్యోతిష్య శాస్త్రం ప్రకారం ఈరోజును అష్టమి అని కూడా అంటారు. ఈరోజు ఎంతో శుభకరమైన రోజుగా పరిగణిస్తారు. ఈ అష్టమి రోజున అమ్మవారి మహా గౌరీ రూపంలో దర్శనమిస్తుంది. అయితే ఈ రోజే జ్యోతిష్య శాస్త్రంలో ఎంతో ప్రాముఖ్యత కలిగిన సర్వార్థ సిద్ధి యోగం, రవియోగాలు ఏర్పడబోతున్నాయి. కాబట్టి ఈరోజున దుర్గాదేవి అమ్మవారి శుభసమయాలు ప్రత్యేక పూజలు చేయడం వల్ల జీవితంలో ఎదురయ్యే సమస్యలన్నీ దూరమవుతాయి. అష్టమి రోజున మహా గౌరీ అమ్మవారిని పూజించడం వల్ల కలిగే లాభాలు, శుభసమయాలు, పూజా విధానం మనం ఇప్పుడు తెలుసుకుందాం.

అష్టమి-నవమి ఎప్పుడో తెలుసా?
అష్టమి తిథి - 21 అక్టోబర్ రాత్రి 09:53 గంటలకు ప్రారంభం.
అష్టమి తిథి - 22 అక్టోబర్ రాత్రి 07:58 గంటలకు ముగింపు.
నవమి తిథి - 22 అక్టోబర్  రాత్రి 07:58 గంటలకు ప్రారంభం.
నవమి తిథి: 23 అక్టోబర్ సాయంత్రం 05:44 

అష్టమి తిథి శుభ ముహూర్తం:
బ్రహ్మ ముహూర్తం: ఉదయం 04:45 నుంచి 05:35 వరకు..
అభిజిత్ ముహూర్తం: 11:43 నుంచి 12:28 వరకు..
విజయ ముహూర్తం: మధ్యాహ్నం 01:59 నుంచి 02:44 వరకు..
సంధ్యా ముహూర్తం: 05:00 వరకు 45 నుంచి 06:10 
అమృత కాలము: మధ్యాహ్నం 12:39 నుంచి 02:10 వరకు..
నిశిత ముహూర్తం: 11:40 నుంచి 12:31 వరకు..
సర్వార్థ సిద్ధి యోగం:  06:26 నుంచి 06:44 వరకు..
సూర్య యోగం- సాయంత్రం 06:44 నుంచి 06 వరకు అక్టోబర్ 23 ఉదయం 2:07 వరకు..

పూజా విధానం:
మహా గౌరీ అమ్మవారిని పూజించాలి అనుకునేవారు ఉదయాన్నే నిద్ర లేవాల్సి ఉంటుంది.
గంగాజలంతో తల స్నానం చేసి ఇంట్లో ఉండే దేవుడి గుడి శుభ్రం చేసుకోవాలి. 
ఆ తర్వాత అమ్మవారి విగ్రహానికి గంగాజలంతో అభిషేకం చేసి ఎర్రచందనంతో అలంకరించాలి.
ఇలా అలంకరించిన తర్వాత పూలమాలను అమ్మవారి మెడలో వేసి పూలతో చక్కగా అలంకరించాలి.
ఆ తర్వాత అమ్మవారికి ఎంతో ఇష్టమైన తీపి నైవేద్యాలను సమర్పించి సాష్టాంగ నమస్కారం చేయాలి. 
ఆ తర్వాత కర్పూర హారతిని అమ్మవారికి సమర్పించి దుర్గ శక్తి మంత్రాలను పాటించాల్సి ఉంటుంది.
అమ్మవారికి హారతిని ఇచ్చిన తర్వాత దుర్గాదేవి మంత్రాలను జపిస్తూ ప్రత్యేక పూజ చేయాల్సి ఉంటుంది.

నవరాత్రి అష్టమి ప్రాముఖ్యత: 
జ్యోతిష్య శాస్త్రం ప్రకారం నవరాత్రుల్లో అష్టమి తిథి ఎంతో ముఖ్యమైనదిగా పరిగణిస్తారు. ఈరోజు దుర్గామాత రాక్షస సంహారం కోసం ఉగ్రరూపం దాల్చుతుందని పురాణాల్లో పేర్కొన్నారు. అమ్మవారికి అష్టమి తిథి రోజున ఉపవాసాలు చేసి ప్రత్యేక పూజలు చేయడం వల్ల శత్రువుల నుంచి సులభంగా ఉపశమనం లభిస్తుంది. కాకుండా జన్మ జన్మల పుణ్యఫలం లభిస్తుందని పూర్వీకులు చెబుతున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.