Ranga Panchami 2024: ఇండోర్ లో జరిగే రంగ పంచమి పండుగకు లక్షల్లో జనాలు ఎందుకు వస్తారు.. అంత స్పెషల్ ఏంటి?

Rang Panchami date and Significance: హిందువులకు ప్రతి నెలా ఏదో ఒక పండుగ ఉంటూనే ఉంటుంది. ఇప్పటికే ఈ నెలలో హోలీ ఫెస్టివల్ రాగా.. ఇవాళ మరో వేడుక వచ్చింది. అదే రంగ పంచమి పండుగ. దీనిని హోలీ జరిగన ఐదు రోజుల తర్వాత జరుపుకుంటారు. ఈ పండుగను చైత్ర మాసంలోని పంచమి తిథి నాడు చేసుకుంటారు. ఈ పండుగ రాధాకృష్ణులకు అంకితం చేయబడింది. ఈరోజునే శ్రీ కృష్ణుడు మరియు రాధా దేవి భూమిపైకి వచ్చి హోలీ ఆడతారని ప్రజల నమ్మకం. ఈ రోజున రాధాకృష్ణులు పూజిస్తే.. మీరు కోరిన కోర్కెలు నెరవేరుతాయి. 

అక్కడ జరిగే వేడుకకు లక్షల్లో జనాలు..

ఈ రంగ పంచమి పండుగను మధ్యప్రదేశ్‌లోని ఇండోర్‌లో చాలా వైభవంగా జరుపుకుంటారు. దీనికి ప్రపంచ నలుమూలల నుండి లక్షలాధి భక్తులు వస్తారు. ఈ పండుగ సందర్భంగా జరిగే ఊరేగింపును గర్ అని పిలుస్తారు. ఈ కార్యక్రమంలో పాల్గొనేందుకు విదేశాల నుంచి కూడా చాలా మంది వస్తుంటారు. ఇప్పటికే అక్కడి ప్రభుత్వం భారీగా వచ్చే ప్రజల కోసం ఏర్పాట్లు చేసింది. 

శతాబ్ధాలుగా కొనసాగుతున్న సంప్రదాయం..
గర్‌ని తీసుకెళ్లే ప్రధాన మార్గం గౌరకుండ్ కూడలి నుండి రాజ్‌వాడ వరకు ఉంది. దారిపొడవునా రంగులతో అలంకరిస్తారు. అంతేకాకుండా ఈ గర్ ను నగరంలోని పలు ప్రాంతాల ద్వారా తీసుకెళతారు. ఈ సంప్రదాయం హోల్కర్ రాజవంశం కాలం నుండి కొనసాగుతోందని అక్కడి వారు చెబుతారు. ఈ రోజున హోల్కర్ వంశానికి చెందిన రాజవంశీయులు సాధారణ ప్రజలతో కలిసి హోలీ ఆడేవారట. సోదరభావాన్ని పెంపొందించడమే దీని యెుక్క పరమార్థం అక్కడి వారు నమ్ముతారు. రాజవంశం అంతమైనా శతాబ్దాలుగా ఈ సంప్రదాయం పాటిస్తూ వస్తున్నారు అక్కడి ప్రజలు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu     

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook

.