Glenn Maxwell about Tamil marriage Card: ఆస్ట్రేలియా స్టార్ ఆల్‌రౌండర్‌ గ్లెన్‌ మాక్స్‌వెల్‌ త్వరలోనే ఓ ఇంటివాడు కాబోతున్న సంగతి తెలిసిందే. తన చిరకాల స్నేహితురాలు, భారత సంతతికి చెందిన విని రామన్‌ను ఈ నెల 27న మ్యాక్సీ పెళ్లి చేసుకోనున్నాడు. మెల్‌బోర్న్‌లో మ్యాక్సీ, విని వివాహం ఘనంగా జరుగనున్నట్లు సమాచారం తెలుస్తోంది. మాక్స్‌వెల్‌ తన పెళ్లి తేదీని అధికారికంగా ప్రకటించకపోయినా.. అతని పెళ్లి కార్డు మాత్రం సోషల్ మీడియాలో వైరల్ అయింది. 


COMMERCIAL BREAK
SCROLL TO CONTINUE READING

గ్లెన్‌ మ్యాక్స్‌వెల్, విని రామన్‌ల పెళ్లి కార్డును నటి కస్తూరి శంకర్ ట్వీట్ చేశారు. 'గ్లెన్ మాక్స్‌వెల్, విని రామన్‌లు పెళ్లి చేసుకోబోతున్నారు. పెళ్లి కార్డులో తమిళ సంప్రదాయ ముహూర్తం ఉంది. అంటే ఇద్దరి పెళ్లి తమిళ ఆచారాల ప్రకారమే జరుగుతుంది. క్రైస్తవ ఆచారాల ప్రకారం కూడా పెళ్లి జరుగుతుందా? అనేది తెలియదు. గ్లెన్, వినికి పెళ్లి శుభాకాంక్షలు' అని కస్తూరి శంకర్ ట్వీట్ చేశారు. దాంతో మ్యాక్సీ పెళ్లి తేదీ, వేదిక కూడా అందరికి తెలిసిపోయింది. 


పెళ్లి కార్డు నెట్టింట చక్కర్లు కొట్టడంతో గ్లెన్‌ మాక్స్‌వెల్‌ కాస్త నిరాశకు గురయ్యాడు. శ్రీలంకతో జరిగిన మూడో టీ20 అనంతరం ఆస్ట్రేలియా క్రికెట్‌తో మ్యాక్సీ మాట్లాడుతూ... 'ఐపీఎల్‌లో నా సహచర క్రికెటర్‌ నా పెళ్లి కార్డుకు సంబంధించిన ఓ ఫొటో పంపించాడు. అది తమిళంలో ఉంది. దురదృష్టవశాత్తూ పెళ్లి కార్డు ఆన్‌లైన్‌లో వైరల్ అవుతోంది. ఇది కాస్త షాకింగ్ విషయమే. నేను కొందరికి పెళ్లికి రమ్మని చెబుదామనుకున్నా. కానీ నాకు ఆ అవకాశం ఇవ్వలేదు. మా బంధువులు ఎవరో సోషల్ మీడియాలో పోస్ట్ చేశారు. మా వివాహ వేడుకకు భద్రత మరింత కట్టుదిట్టం చేయాలి' అని అన్నాడు. 


విని రామన్.. మెల్‌బోర్న్‌లో స్థిరపడ్డ భారతీయ కుటుంబానికి చెందిన అమ్మాయి. తమిళనాడుకు చెందిన ఆమె పూర్వీకులు ఆస్ట్రేలియాలో స్థిరపడ్డారు. విని ఓ ఫార్మాసిస్ట్. డేటింగ్‌లో ఉన్న విని, మ్యాక్సీల ప్రేమ వ్యవహారం 2017లో తొలిసారి ప్రపంచానికి తెలిసింది. ఆస్ట్రేలియా క్రికెట్ అవార్డ్స్ 2019 కార్యక్రమానికి మ్యాక్సీ తన ప్రేయసితో హాజరయ్యాడు. 2020లోనే వీరి నిశ్చితార్థం జరగ్గా.. కరోనా కారణంగా పెళ్లి వాయిదాపడుతూ వచ్చింది. 



గ్లెన్ మ్యాక్స్‌వెల్‌ ప్రస్తుతం వన్డేలు, టీ20ల్లో మాత్రమే ఆస్ట్రేలియా జట్టుకు ప్రాతినిధ్యం వహిస్తున్నాడు. ఇప్పటివరకు 116 వన్డేలు ఆడిన మ్యాక్స్‌వెల్‌ 3230 పరుగులు చేశారు. ఇందులో రెండు సెంచరీలు, 22 అర్ధ సెంచరీలు ఉన్నాయి. 82 టీ20లు ఆడి 1905 పరుగులు చేసాడు. ఇందులో మూడు సెంచరీలు, 9 అర్ధ సెంచరీలు ఉన్నాయి. ఇక 7 టెస్టుల్లో 339 రన్స్ చేశాడు. ఐపీఎల్ టోర్నీలో 97 మ్యాచుల్లో 2018 రన్స్ బాదాడు. 12 హాఫ్ సెంచరీలు బాదాడు. ఐపీఎల్ 2022లో రాయల్‌ చాలెంజర్స్‌ బెంగళూరు జట్టుకు ఆడనున్నాడు. 


Also Read: Tollywood Films: వేసవిలో వినోదపు తుఫాన్.. టాలీవుడ్‌లో వరుసగా విడుదల అవుతున్న పెద్ద సినిమాలు ఇవే!


Also Read: Anushka Shetty Casting Couch: టాలీవుడ్‌లోనూ క్యాస్టింగ్ కౌచ్ ఉంది.. నేను కూడా..! షాకింగ్ కామెంట్స్ చేసిన అనుష్క!!


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 


Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook