Rohit Sharma: కోలుకున్న రోహిత్ శర్మ- విండీస్​ సిరీస్​కు సారథ్యం!

Rohit Sharma: టీమ్ ఇండియా వన్డే, టీ20 ఫార్మాట్ల కెప్టెన్​.. రోహిత్ శర్మ గాయం నుంచి పూర్తిగా కోలుకున్నాడు. దీనితో వచ్చే నెల 6వ తేదీ నుంచి ప్రారంభమయ్యే వెస్టిండీస్​​ సిరీస్​కు పూర్తి స్థాయిలో​ సారథ్యం వహించే అవకాశముంది. ఈ మేరకు అవసరమైన ఫిట్​నెస్​ టెస్టును తాజాగా క్లియర్ చేశాడు (Rohit Sharma clears fitness Test) హిట్​మ్యాన్​.

బెంగళూరులోని నేషనల్​ క్రికెట్ అకాడమిలో నిర్వహించిన పరీక్షల్లో రోహిత్ శర్మ పాసయ్యాడని బీసీసీఐ వర్గాలు బుధవారం (BCCI on Rohit Sharma) వెల్లడించాయి. ఈ విషయాన్ని వార్తా సంస్థ ఏఎన్​ఐ ధృవీకరించింది.

గాయం కారణంగా దక్షిణాఫ్రికా పర్యటనకు రోహిత్ దూరమైన (IND vs SA) సంగతి తెలిసిందే.

విడీస్​తో సిరీస్​ ఇలా..

వచ్చే నెల 6 నుంచి వెస్టిండీస్​, భారత్ మధ్య 3 వన్డేలు, మూడు టీ20లు (IND vs WI) జరగనున్నాయి.

విండీస్​తో మూడు వన్డేల సిరీస్​ మ్యాచ్​లు.. అహ్మదాబాద్​లోని నరేంద్ర మోదీ స్టేడియంలో జరగనున్నాయి. ఇక మూడు టీ20 మ్యాచ్​లు కోల్​కతాలోని ఈడెన్ గార్డెన్స్​లో జరుగుతాయని బీసీసీఐ గత శనివారమే (India in series against West Indies) ప్రకటించింది.

అయితే వెస్టిండిస్​తో తలపడనున్న భారత జట్టుపై ఇంకా ప్రకటన చేయలేదు బీసీసీఐ. ఈ విషయంపై సెలక్టర్లు కసరత్తు చేస్తున్నారు. త్వరలోనే జట్టు ఎంపికపై అధికారిక ప్రకటన వెలువడే (Team India squad for West Indies series) అవకాశముంది.

అయితే వెస్టీండీస్​తో జరిగే మ్యాచ్​లకు జస్ప్రిత్ బుమ్రాను (Jasprit Bumrah) రెస్ట్​లో ఉంచే అవకాశముంది. భువనేశ్వర్​, అశ్విన్​లను ఎంపిక చేయడం కష్టమేనంటున్నారు విశ్లేషకులు. దక్షిణాఫ్రికాతో జరిగిన సిరీస్​లో ఆకట్టుకోకపోవడమే ఇందుకు కారణంగా చెబుతున్నారు. మరి సెలెక్టర్లు ఇంకో అవకాశం ఇస్తారా? లేదా కొన్ని రోజులు రెస్ట్​ ఇస్తారా? అనేది వేచి చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe