తెలంగాణలో 33 `కరోనా` పాజిటివ్ కేసులు

తెలంగాణలో 'కరోనా వైరస్' క్రమక్రమంగా విస్తరిస్తోంది. రోజు రోజూ కేసుల సంఖ్య పెరగడం ఆందోళన కలిగిస్తోంది. ఇప్పటి  వరకు మొత్తంగా పాజిటివ్ కేసుల సంఖ్య 33కు చేరుకుంది. 

వైద్య ఆరోగ్య శాఖ మంత్రి ఈటల  రాజేందర్  ఈ విషయాన్ని వెల్లడించారు. ఇవాళ ఒక్కరోజే  కొత్తగా  6 కరోనా పాజిటివ్ కేసులు నమోదయ్యాయని వెల్లడించారు.  అందులోనూ కాంటాక్ట్ కేసులు మూడు  ఉన్నాయని తెలిపారు.  33 పాజిటివ్ కేసులు నమోదైనప్పటికీ పరిస్థితి అంతా అదుపులోనే ఉందని చెప్పారు. ఎవరూ  కరోనా వైరస్ గురించి ఆందోళన చెందవద్దని సూచించారు. ప్రభుత్వం సూచించిన సూచనలు తప్పనిసరిగా పాటించాలని కోరారు. సామూహిక ప్రదేశాల్లోకి రావద్దని తెలిపారు.