Hyderabad Gang Rape: జువెనైల్ హోమ్ లో కొట్టుకున్న నిందితులు.. కార్పొరేటర్ కొడుకుపై దాడి

Hyderabad Gang Rape: హైదరాబాద్ మైనర్ బాలిక గ్యాంగ్ రేప్ కేసులో మరో సంచలనం జరిగింది. ఈ కేసులో నిందితులు ఉన్న ఐదుగురు మైనర్లు కొట్టుకున్నారు. మైనర్లు కావడంతో వాళ్లంతా జువెనైల్ హోమ్ లో ఉన్నారు. అక్కడే నిందితులు గొడల పడ్డారని తెలుస్తోంది. ప్లేట్లతో పరస్పరం దాడులు చేసుకున్నారు ఐదుగురు మైనర్లు.కార్పొరేటర్‌ కుమారుడు టార్గెట్‌గా ఇతర నిందితులు దాడి చేశారని సమాచారం. పోలీసులు రావడంతో వివాదం సద్దుమణిగిందని తెలుస్తోంది. నీ వల్లే ఇదంతా జరిగిందని కార్పొరేటర్ కొడుకును ఇతర మైనర్లు నిలదీయంతో గొడవ జరిగిందని చెబుతున్నారు. ఈ ఘటనతో నిందితులు ఉన్న జువెనైల్ హోమ్ కు  భద్రత పెంచారు పోలీసులు.

గ్యాంగ్ రేప్ కేసులో ఏ1 నిందితుడిగా ఉన్న సాదుద్దీన్ పోలీస్ కస్టడీ ముగిసింది. ఇవాళ అతనిని నాంపల్లి కోర్టులో హాజరుపరిచారు పోలీసులు. మిగిలిన నిందితులైన ఐదుగురు మైనర్ల కస్టడీ కొనసాగుతోంది. నిందితుల నుంచి పూర్తి సమచారం రాబడుతున్నారు పోలీసులు. ఆదివారం సీన్‌ రీ కన్‌స్ట్రక్షన్‌ చేశారు. ఈ సందర్భంగా గ్యాంగ్ రేప్ కు సంబంధించి పోలీసులు కీలక సమాచారం రాబ్టటారు. మైనర్ బాలికపై ఇన్నోవా కారులోనే అత్యాచారం చేసినట్లు నిందితులు అంగీకరించారని తెలుస్తోంది. సాదుద్దీన్‌ రెచ్చగొట్టడం వల్లే తాము అత్యాచారం చేశామని మైనర్లు చెబితే.. ఎంఐఎం ఎమ్మెల్యే కొడుకే ముందుగా బాలికను రేప్ చేశాడని సాదుద్దీన్ చెప్పినట్లు తెలుస్తోంది.

అయితే  సీన్‌ రీ కన్‌స్ట్రక్షన్‌  తర్వాత మైనర్ బాలికపై మొదటగా లైంగిక దాడి చేసింది ఎంఐఎం కార్పొరేటర్‌ కొడుకని పోలీసులు నిర్ధారించారు. అతని తర్వాత కేసులో ఏ5గా ఉన్న మైనర్ రేప్ చేశారని తేలింది. వక్ఫ్ బోర్డు చైర్మెన్ కొడుకు తర్వాత మిగిలిన మైనర్లు బాలికను అత్యాచారం చేశారని పోలీసులు గుర్తించారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి

Android Link - https://bit.ly/3hDyh4G

Apple Link - https://apple.co/3loQYe