Hyderabad Blast: హైదరాబాద్ లో కలకలం.. పాతబస్తీలో పేలుడు.. ఒకరు మృతి

Hyderabad Blast: హైదరాబాద్ లో పాతబస్తీలో కలకలం రేగింది. శక్తివంతమైన పేలుడు సంభవించడంతో ఉలిక్కి పడింది. పేలుడులో ఓ వ్యక్తి చనిపోయాడు. పేలుడు ధాటికి అతని శరీరం ముక్కలైపోయింది. మరో వ్యక్తికి తీవ్ర గాయలయ్యాయి. పేలుడు ఘటన హైదరాబాద్ లో సంచలనంగా మారింది.

వివరాల్లోకి వెళితే హైదరాబాద్ పాతబస్తీ పరిధిలోని అఫ్జల్‌గంజ్‌లో ఆదివారం శక్తివంతమైన పేలుడు జరిగింది. రసాయన పేలుడు కావడంతో తీవ్రత ఎక్కువగా ఉంది. ఈ పేలుడులో వ్యక్తి బాడీ ముక్కలైంది. ఈ ఘటనతో స్థానికులు తీవ్ర భయాందోళనకు లోనయ్యారు.పేలుడులో శరీరం ముక్కలై పోయిన వ్యక్తిని 32 సంవత్సరాల భరత్ గా గుర్తించారు. పేలుడు ఘటనపై సమాచారం అందిన వెంటనే స్పాట్ కు చేరుకున్నారు పోలీసులు. గాయపడిన వ్యక్తిని హాస్పిటల్ కు తరలించారు. మృతదేహాన్ని ఉస్మానియా హాస్పిటల్ కు తరలించారు.

పేలుడు జరిగిన ప్రాంతంలో ఆధారాలు సేకరించారు పోలీసులు. రసాయన పేలుడుగా ప్రాథమికంగా నిర్ధారించారు.పేలుడు జరిగిన తీరుపై ఆరా తీశారు. ప్రత్యక్ష సాక్షుల నుంచి వివరాలు తీసుకున్నారు. ఇటీవల వరుసగా జరుతున్న నేరాలతో హైదరాబాదీలు కలవరపడుతున్నారు. తాజాగా పేలుడు జరగడంతో ఏం జరిగిందోనని తీవ్ర ఆందోళనకు లోనయ్యారు.

Android Link - https://bit.ly/3hDyh4G

Apple Link - https://apple.co/3loQYe