Yemen stampede: యెమెన్ లో భారీ తొక్కిసలాట.. 85 మంది మృతి, 300 మందికిపైగా గాయాలు...

Stampede in Yemen: యెమెన్ లో  ఘోర విషాదం చోటుచేసుకుంది. రాజధాని సనాలో ఆర్థిక సహాయం పంపిణీ కార్యక్రమం సందర్భంగా జరినగిన తొక్కిసలాటలో 85 మంది మృతి చెందగా.. 300 మందికి పైగా గాయపడ్డారు. మృతి చెందిన వారిలో మహిళలు, పిల్లలు కూడా ఉన్నారు. ఈ ఘటన సనాలోని బాబ్ అల్-యెమెన్ జిల్లాలో జరిగింది. ప్రస్తుతం ఈ ప్రాంతం అంతా హుతీల నియంత్రణలో ఉంది. 

బంధువుల ఆచూకీ కోసం ప్రజలు సంఘటనా స్థలానికి తరలి రావడంతో భద్రతా బలగాలను ఆ ప్రాంతం చుట్టూ భారీగా మోహరించారు. వారిని లోపలికి అనుమతించలేదు. క్షతగాత్రులను సమీపంలో ఆస్పత్రులకు తరలించారు. కొంతమంది వ్యాపారులు డబ్బును స్థానిక అధికారులతో సమన్వయం లేకుండా పంపణీ చేయడం వల్లే ఈ ఘటన జరిగిందని హుతీ యెుక్క అంతర్గత మంత్రిత్వ శాఖ పేర్కొంది. ఒక పెద్ద కాంప్లెక్స్‌లో మృతదేహాలు నేలపై పడి ఉన్న వీడియోలు సోషల్ మీడియాలో చక్కెర్లు కొట్టాయి. అధికారులు వీటిని ధృవీకరించలేదు. ఈ ఘటనపై అధికారులు విచారణ చేపట్టారు. 

అరేబియా ద్వీపకల్పంలోని పేద దేశాల్లో యెమెన్ కూడా ఒకటి. 2014లో యెమెన్‌లో అంతర్యుద్ధం జరిగింది. ఇరాన్-మద్దతుగల హుతీ తిరుగుబాటుదారులు సనాను స్వాధీనం చేసుకుని పరిపాలన చేస్తున్నారు. యూఎన్ ప్రకారం, యెమెన్ జనాభాలో మూడింట రెండు వంతుల కంటే ఎక్కువ మంది దారిద్య్ర రేఖకు దిగువన నివసిస్తున్నారు. ఈ ఏడాది 21.7 మిలియన్ల మందికి అంటే దేశంలో మూడింట రెండొంతుల మందికి మానవతా సహాయం కావాలని యూఎన్ తెలిపింది. చాలా సంవత్సరాలుగా అక్కడి అధికారులు జీతాలు ఇవ్వడం లేదు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.